是咁的，照顧過我嘅護士死咗: 二百七十九、出咗口氣

「我覺得⋯⋯點都好，你都幫德仔出咗口氣。」

林林搖搖頭：「唔唔。」佢將手機遞畀我，新聞嘅標題一則一則咁彈出。

「醫護壓力：曾被罵是狗」

「護士爆煲：人手不足致醫療事故」

「護士壓力：多次抑鬱企圖自殺」





「專題探討：醫護人員如何面對情緒困擾」

「醫護控訴：促政府削單程証，增加醫護人手」

「專家批醫管局監管制度失衡」

「醫管局稱會檢討現行投訴制度」

「護士悲歌：很多同行也面對同樣問題，盼政府改善政策」





「護士之死，一個都不能多」

「萄傑：男護喪鐘以鳴冤」

「學護遭歧視，投訴無門」

「醫療事故與護士之死，醫管局責無旁貸」

望住一則則由唔同報紙刊登嘅新聞同評論，我忍唔住心中嘅感動。





「係佢，幫我地出咗口氣。」

哪怕只係少少都好，德仔最後都改變得到，依個世界，因為有過德仔，而有少少、少少嘅不同。