是咁的，照顧過我嘅護士死咗: 二百七十八、計算好哂

「但係⋯⋯你打到佢咁傷，佢實啄死你架喎。」

林林完全無擔憂嘅神色。

「我應該會無事。」

「咁有信心？」

「因為係佢叫我打，襲擊罪如果對方同意係免責，而且我本身就係上頭唔想我曝光嘅人嚟，好大機會會叫大籮唔好搞咁多野。」





我頓時明白：「係喎，你仲有咁多假。」

林林點點頭：「到時我又會告返醫管局犯法，仲一定告得入。而大籮自己亂講野，有機會告我唔入，上庭仲會令本身就唔夠人手嘅骨科病房再少兩個人做野。你係上層，你會點處理？」

林林有啲自鳴得意，睇嚟佢一早已經計算好哂。

我不自覺更加敬佩眼前依個女人，好感又增加咗唔少。

「但你唔驚遲啲畀大籮整蠱咩？」





「遲啲先算啦，唔使死嘅。最衰就係⋯⋯無辦法要佢為德仔嘅死負責⋯⋯」對依點遺憾，林林好明顯難以釋懷。