是咁的，照顧過我嘅護士死咗: 二百五十七、夢想四分五裂

「佢唯一而最強大嘅支柱，就只淨低要升職上去，改變醫療體制嘅夢想⋯⋯依個係唯一支持佢⋯⋯令佢唔會崩潰嘅夢想⋯⋯」

我恍然大悟。

「但如果有醫療事故⋯⋯」

「⋯⋯等於無可能升職⋯⋯」

於是，唯一支撐德仔嘅夢，四分五裂。





企喺平衡木上，只靠一個夢勉強支撐人生嘅德仔，完全被土崩瓦解呑噬。

「所以⋯⋯係我害死德仔架⋯⋯」

我終於知道，所謂悲劇，其實真係唔係邊個嘅錯。

有嘅，只係幾個不幸嘅巧合，同埋日積月累嘅痛苦環境。

望住林林因自責而扭曲嘅神情，我真係唔忍心，就咁睇住佢流眼淚。





頭一次，我有勇氣，主動上前一步，摟住自己深愛嘅女仔。

「⋯⋯唔係⋯⋯你嘅錯⋯⋯」

林林嘅手，忍唔住抓住我嘅背脊。

當日嘅林林，身體超越極限而必須請假休息，並唔係佢嘅錯嚟。

嗰晚，一個女護士嘅喊聲，響徹南山邨毫無星光嘅夜空。