是咁的，照顧過我嘅護士死咗: 二百五十四、手背嘅溫暖

「我知自己力量好小，但我想改變一啲野。依個就係我留喺公立醫院嘅理由。」

點解德仔你堅持唔到落去？明明有咁遠大又美好嘅夢想，點解要自殺？

喺你身上⋯⋯究竟發生咗咩事？

究竟發生咗咩事⋯⋯

無論再問幾多次，唔理我唔明幾多野，德仔都唔會再喺我面前，為我一一解答。

察覺到我對住窗外風景流眼淚嘅林林，手靜靜放喺我嘅手背上，輕拍。

我無回頭，我諗林林都一樣。

我地各自望住左右窗外燈紅酒綠嘅風景，各自流淚，唯一嘅慰藉，只有手背僅剩嘅溫暖。