是咁的，照顧過我嘅護士死咗: 二百五十三、缺堤

諗返起嚟，德仔已經講過好多次⋯⋯每次都係輕描淡寫⋯⋯

「比如你知道我係基嘅，都正常咁同我相處、傾計、做朋友。」

即係話佢平時連同病人正常相處，都係珍貴嘅例外。

「哈哈！由佢啦，你當我普通人咁傾計吹水一齊食飯已經好好架喇！」

到底要幾寂寞嘅人，先會因為我當佢係「普通人」而露出得到救贖嘅笑容？





「我慣架喇，我真係慣架喇。」

你根本⋯⋯從來都無慣過⋯⋯

德仔最後一次同我見面，慢慢喺走廊遠去直至消失嘅身影，烙印喺我腦海。

「只係感動。」

因為你同我講，辛苦你喇。





最後，眼淚都係忍唔住缺堤，一湧而瀉。