是咁的，照顧過我嘅護士死咗: 二百二十二、雨

「⋯⋯你啱啱覆診⋯⋯見咗靚女護士？」

上到巴士坐定無耐，十八子有啲遲疑咁問我。

佢向來講野都好少會口窒同欲言又止。

「人地叫林林呀。佢請咗病假。」

「哼。」唔知又撻著咗佢邊粒制。





「又嬲呀？」

「佢無返工咪無返工囉，你做乜特登問佢去咗邊喎。」十八子抱住胸，擰埋一面。

「我一早知囉。我送佢返屋企架。」

十八子大吃一驚，窗外雷光一閃。

隆隆隆——





雨水開始拍打車窗。

「有無帶遮呀你？」

「有都唔遮你呀！討厭鬼！」十八子嬲爆爆咁走咗去我後面坐，我背脊即刻feel到佢拎對膝頭頂住我。

感受到背後嘅怨念。

「明明連人地都未送過⋯⋯」





後面輕聲嘅抱怨同埋一連串詛咒伴隨我成程車。