是咁的，照顧過我嘅護士死咗: 二百二十三、全身濕哂

到落車嗰陣，雖然巴士站有瓦遮頭，但距離屋企仲有有段無蓋嘅路。

我同十八子企喺巴士站，對望。

十八子拎出佢把粉紅色嘅日系縮骨遮，喺我面前打開，向我伸脷扮鬼臉。

「好醜呀。」

「哼！唔理你！你淋雨啦討厭鬼！」





我無奈咁望住轉身離開嘅十八子。

行唔夠幾步，佢就返嚟拉住我衫袖行。

沙喇沙喇⋯⋯

佢將把遮隊向我嗰邊。

「你濕哂喇⋯⋯」





「你有骨折唔掂得水，唔係老咗會風濕架。」

我都想行快啲，可惜有傷在身，又拎住拐杖，快極有限。十八子無叫我行快啲，反而好有耐性咁陪我行。

即使佢全身淋濕哂。