是咁的，照顧過我嘅護士死咗: 二百二十一、上嚟食飯

我由得十八子跟住我，但佢跟到去巴士站。

「你唔係對面咩？」

我有唔好嘅預感⋯⋯次次佢陪我一齊去巴士站都係得一個理由⋯⋯

「你唔知咩？伯母叫我上嚟食飯吖嘛。」

果然。





我開手機，媽媽零個通知。我都唔知講過幾多次同我單聲，佢兩個就次次都話畀驚喜我。

驚就有，喜就無乜喇。

「你依家完全放棄哂抵抗喇喎。」

「可以點？媽媽話間屋佢嘅，鍾意招呼邊個就招呼邊個吖嘛。」

因為十八子係我唯一一個女性朋友，所以媽媽成日想借啲已撮合我地。





十八子都好享受被撮合嘅過程，完全當係玩。

好彩我唔鍾意佢，唔係實被佢玩死。