是咁的，照顧過我嘅護士死咗: 二百二十、一齊行

德仔嘅背影喺我離開醫院之後，仍然一直殘留喺我腦內揮之不散。

甚至踏出廣華嗰刻，我都忍唔住回頭望一下身後整棟醫院。

隆隆隆——

雲層內透出閃動嘅白光，睇嚟就快落大雨。

無帶遮嘅我加快腳步行去巴士站，可惜拎住拐杖快極有限。





「薯片！」

熟悉嘅叫聲。

十八子喺屈臣氏走出嚟，提返一句，大雄喺屈臣氏上面嗰間台灣野返工。

「溝完仔喇？」依家大約六點，十八字著住便服走出嚟，即係佢返嗰更係兩點放。

「係呀。覆完診喇？返屋企？」佢自豪咁點點頭，之後三步拼兩步咁走過嚟。





「係呀。」

「咁一齊行啦。」