是咁的，照顧過我嘅護士死咗: 二百一十九、打氣

「你⋯⋯真係無事？」我第一次見德仔流眼淚。

雖然佢成個女人咁，但好少見佢情緒爆發。

德仔微微搖頭。

「金仔，鍾意林林的話，記得向佢表白呀。」

嘩，話題轉得咁快嘅。





「唔好令自己後悔，人生得一次架咋。」

德仔摟住我。

「做咩咁肉麻呀？」

「無野⋯⋯無野⋯⋯」

德仔放開我，大大力吸咗一口氣，眼角仍然留有淚光。





佢輕輕拍拍我手臂。

「我做野先喇。」

德仔嘅背影，好似一個無電嘅機械人咁。

「你要加油呀。」我地異口同聲講。我係幫佢工作打氣，而佢就係鼓勵我表白。

我企喺走廊，凝視頭也不回嘅德仔漸漸遠去。





望住佢嘅背影，直到消失。