是咁的，照顧過我嘅護士死咗: 二百一十八、辛苦你喇

我聽到呆咗。

「唔笑就投訴我黑口黑面，影響佢地心情。笑就投訴我個笑容令佢覺得自己被人嘲笑緊。香港人真係難服侍。」

德仔無奈聳聳膊。

「戴咗口罩架喎。」

「睇眼神估到我咩樣嗰啲囉。唉，算啦，西客好似益力多咁，慣架喇。你今日啃咗未呀？」





「真係辛苦你喇。」

「再加埋我似女人呢，成日被人話死乸型死基佬又話唔要我負責照顧驚我有愛滋乜乜乜。我慣架喇，我真係慣架喇。」

我有少少不知所措，眼前嘅德仔，令我有啲心酸。

「慣的話⋯⋯點解你流眼淚？」

「啊。」德仔完全無自覺，淚水喺眼角滑咗落嚟。





佢擠出一個微笑，雙手輕降喺我膊頭。

「只係感動。」

因為你同我講，辛苦你喇。