是咁的，照顧過我嘅護士死咗: 二百一十七、投訴我笑

醫生咁多年嚟同我講嘅野都無變過，叫我小心啲，唔好做劇烈運動，唔好同人有碰撞。

準時食鈣片同曬多啲太陽吸收維他命D仲有飲奶，有助骨骼生成。

檢查完之後又返到大堂等拎藥，依個時候再次見到走廊尾嘅德仔仲被大籮訓話緊。

係一路無停過，定分咗上下半場呢？

大籮用力篤住德仔個頭。





佢無反抗，拳頭亦無再揸實，好似個斷線嘅木偶咁。

我行過去，發現大籮嘅訓話係故意壓低咗聲音，令其他人聽唔到，睇嚟係唔想騷擾到病人。

「德仔？」

大籮同德仔望向我，德仔同我打招呼。

「你睇咗病人先。」大籮向我點點頭就行咗去。





「你無野丫嘛？」

德仔望住我，微微搖頭。

「被病人投訴啫。」

「投訴咩呀？好嚴重咁喎。」

「投訴我笑。」