是咁的，照顧過我嘅護士死咗: 一百九十六、魏牘金

我好想大大力狂點頭，但頸上仲有個龜頭套。

「有呀有呀！」

我用猛震嘅手喺林林部貼咗柴犬貼紙嘅手機上打入我嘅號碼。

「你無野丫嘛？使唔使休息陣呀？見你震哂咁。」

「無事！無事！」





我成功鍵入自己嘅電話號碼。

「魏牘金？做咩打全名呀你？」

「呃⋯⋯諗住唔好太親切吖嘛。」

林林有啲不滿，將我個名改返做「金仔」。

「就係要親切啲。」





「唔該哂呀。」