是咁的，照顧過我嘅護士死咗: 一百九十五、畀你電話我

今日好好彩，一個外人都無，只有我同林林。

「幫我影張相丫。」

林林挑起眼眉望我：「你打哂石膏咁醜樣都影呀？」

「就係打哂石膏又拎住拐杖咁先夠特別架嘛。」

我拎出平價二手舊型號智能手機遞畀林林，但佢拎出自己嘅手機：「我依部影得靚啲呀。你埋去啦。」





於是我就乖乖地行過去彩虹橋就咁企喺度。

「影證件相咩家陣？擺個甫士啦你。」

我諗一諗，就舉起拐杖，好似拎住槍對天發射咁。

咔嚓。

影完之後，林林行過嚟，同我一齊挨住拱型欄杆，畀相我睇。





「你開airdrop我過畀⋯⋯係喎你無。」

林林將手機轉去打電話嘅頁面：「畀你電話我，我wtsapp畀你啦。wtsapp有喇啩？」