是咁的，照顧過我嘅護士死咗: 一百九十七、感動

「唔使。」林林雙手一撐，就成個人坐咗上旁邊嘅拱型欄杆上。

咦？照咁睇嚟佢仲未想走住。

「其實你係咪起過我底？」

「吓？」

林林喺上方，認真咁俯視我。





「你知道我成日嚟依度架？」

「吓？」

係咪我腦容量太細，點解理解唔到佢講乜？

咪住，我啱啱話要嚟彩虹橋嗰陣，林林有過半秒嘅錯愕表情，原來佢係驚訝緊我知道佢成日嚟？

冤枉呀大人，我純粹係自己想嚟咋。





「你認真答我，點解你今日做得到咁多感動我嘅野？德仔同你講？」

感動？林林有感動咩？我做咗乜嚟呀？

林林凝視咗我個諗樣半分鐘，不停撫摸自己下巴，好似想喺我面上讀出啲咩線索咁。