是咁的，照顧過我嘅護士死咗: 一百九十四、錯過
「做咩？」
林林回神過嚟，反一反白眼：「無野。無你收，行啦。」
唔需要理人嘅表情，唔需要理人嘅話語，只需要睇佢嘅行動，就知道佢對你好定壞。
我知道林林對我好，但我一直以為只係限於醫院內，護士對病人嘅好。
我覺得一旦離開醫院範圍，林林撇除咗工作上嘅身分，佢就唔會再對我好，而所有嘅西面同白眼，都係對我真心嘅厭惡。
但原來林林對我嘅好，無論喺病房內定係醫院外，都係一樣。
入夜嘅南山邨內，一個戴住骨骼固定器又拎住拐杖嘅毒撚，同一個無著制服嘅白衣天使走到彩虹橋。
其實我讀咗四年大學，除咗宿舍組又有自己系嘅組會嚟食品香樓reu，但每次唔知點解就係無人提議嚟睇下彩虹橋影下相打下卡。
明明南山邨嘅彩虹橋同巨型飛行棋咁出名，又係年青人幾乎都會去打卡嘅地方，偏偏我就係無去過。
只能夠話，人同地方都有緣份存在，而我以前，一直都不停咁錯過。