是咁的，照顧過我嘅護士死咗: 一百八十五、只係錯在

當然六七十年代會打尖嘅香港人又會睇唔起打家劫舍嘅越南難民，只要民族一直進步，自然會覺得一咿質素唔夠高就進入自己地盤嘅民族梗眼。

永遠都係成為更有道德，更有禮貌嘅族群之後，都無一個高質素族群應有嘅器量。

人性所趨，無可厚非，你睇依家美國都係做緊同一樣野，就知道所有族群都有同樣嘅問題。

當然，要有器量都要自己社會負荷得起先有得講。

難民喺唔同國家引起嘅社會問題，好難怪一般民眾對佢地反感。





正如大陸人導致香港咁多問題，香港人對大陸人嘅厭惡亦唔難理解。

香港人會無器量，主要原因都係社會已經負荷唔起。

社會負荷係大環境，人同人之間嘅交流一定受大環境影響。正如我阿爺嗰代，受日軍侵華嘅大環境影響，個個都好憎日本人。

十八子就係典型例子，佢對大陸人嘅厭惡係建立喺宏觀環境同數據上，因為佢眼見好多被大陸人遺棄嘅bb女。

而林林，佢明顯都對大陸人有不滿，做得護士嘅點都無可能百分百接受到大陸病人，但佢嘅包容就建立喺微觀交流同相處上。





「因為喺佢地身上嘅悲劇，根本唔係佢地錯，阿叔只係錯在喺醫院食煙啫。」