是咁的，照顧過我嘅護士死咗: 一百八十四、老夫子
只不過大部分香港人被人話會識得收斂，大陸人就會鬧返轉頭。
而又因為雙方初則口角，繼兒動母，有時動武，所以久唔久就有中港街頭衝突嘅新聞。
「我地都經歷過反叛期，嗰陣如果長輩見我地做錯事，一開口就鬧人，結果我地都係唔會聽。」
所以要對方去聽同理解，係要心平氣和咁用理性去講解。
只要冷靜落嚟，道理係顯淺易明，但林林都係有情緒嘅人類，見到有人喺醫院食煙，都會即刻扯火。
但扯火過後，佢會反省自己，作為一個更加有文化嘅族群，有無方法可以處理得好啲。
「等同我地作為大人，鬧個小朋友打尖咁。不教而誅，最後人地都係唔理解。」
林林嘅說話令我諗起細個睇老夫子，講緊六七十年代嘅香港，老夫子本身以為個個都好有規矩排隊等巴士，點知巴士到嗰陣都係一窩蜂湧上去，豪無秩序可言。
其實依家嘅大陸同六七十年代嘅香港無乜分別，只係佢地有錢啲，財大氣粗啲。