是咁的，照顧過我嘅護士死咗: 一百八十三、教化
「佢都好無助，而我知道自己咩都幫唔到手，唯有安慰下佢。」
至低限度，作為一個見到人喊嘅人，可以做到嘅事。
我都唔係好知，聽到咁嘅背景之後應該畀啲咩回應，唯有繼續問問題
「佢嗰日咁鬧你法，你都去安慰佢⋯⋯真係好勁。你唔係都好嬲架咩？」
「我係嬲佢唔守醫院嘅規矩食煙，佢之後都無再食，咁咪得。」
我諗起之前有單大陸大媽喺小巴打尖，之後被全車人合力逼佢落車嘅新聞，後來個大媽都識得排隊。
雖然唔係所有人都教化到，但總有一部分人，佢地覺得理所當然可以做嘅野，因為文化唔同而其實係我地認為唔可以做，不過佢地根本唔知，亦無自覺。
等同香港人去日本浸溫泉都仲有好多人拎條毛巾浸入水度一樣。