是咁的，照顧過我嘅護士死咗: 一百五十五、死路一條
「呃⋯⋯我係咪講錯野？」
德仔好似百變怪咁笑住擰向我，點點頭。
「如果你唔介意，可唔可以畀少少私人空間我同德仔？」林林有禮貌咁問。
慘喇，一個人對你太有禮貌，就代表佢內心嘅大門已經閂到實。
「啊⋯⋯嗯。」我無謂再辯解，好明顯對林林嚟講護士唔淨止係一份工作嚟。
但我都係因為唔知先問啫⋯⋯
我拐下拐下咁離開，臨走前回頭望下德仔同林林，佢地應該仲傾緊請假嘅問題。
不過我無真係離開醫院，依啲誤會如果唔盡快兜口兜面解開佢，之後就會愈滾愈大，到時我喺林林心目中就真係死路一條。
雖然我好乖咁滿足咗林林嘅要求，但咁係為咗令佢冷靜啲，遲啲先再講返清楚。
我喺病房外面等，直到德仔出嚟。