是咁的，照顧過我嘅護士死咗: 一百五十六、媽呀好亂呀！

「林林一陣會搞埋出院，你要等就等多陣啦。」

「啊，唔該哂。」

德仔無我乎咁搖搖頭：「你無亂講野的話我本身想叫佢同你交換電話，佢放假可以搵你去睇佢。」

德仔真係好為我，佢雖然對個個病人都好好，但對我係特別好。

「林林最憎人話護士只係一份工架，你知唔知你唔係踩中地雷，係踩中核彈呀？」





死得好慘⋯⋯

我耷低頭擺出一個知錯樣。

「你知唔知讀完醫護出嚟，其實除咗醫院仲有好多地方請架先？」

由於我無錢去其他醫院，亦無乜點去其他機構，所以一直都只係見到公立嘅情況。

「睇你個諗樣都知你乜都唔知，等本小姐同你講解下啦。」





德仔你⋯⋯到底男定女⋯⋯媽呀好亂呀！