是咁的，照顧過我嘅護士死咗: 一百、識少少扮專家
一旁嘅家長都望望我地兩個，厭惡嘅目光主要落喺阿嬸度。
「雖然入面隔音啫，但你咁大聲可能嘈到啲bb仔架嘛。」
「咁我係咪睇住我孫仔唔舒服都唔理先？咁佢係唔識丫嘛！」
喺醫院經常會見到依種人，永遠覺得自己識嘅野多過專業嘅醫生同護士。
完全唔識野嘅人係無咁麻煩，最煩膠嘅係識少少又以為自己係專家嘅人，因為佢地嘅語氣經常有種睇你唔起嘅感覺，仲要同你嘈，要你跟佢嗰套嚟做。
「佢喺度做咗咁耐日日睇住咁多個b，會唔會係唔識呀？佢換一個月尿片都多過你成世人換片嘅數量啦。」
「阿姐我幫緊我啲仔女換片嗰陣你都未出世呀，夠膽兀我？一睇就知我孫仔瀨尿啦！」