是咁的，照顧過我嘅護士死咗: 九十四、廣華重建工程
本來我係唔太鍾意走嚟走去，但係自從廣華2016年搞重建，每次封一棟就要將嗰棟嘅人搬去另一棟，搞到未重建嘅大樓成日都好多人。
我絕對讚成要重建嘅，不過重建依段時間，講緊到2022差唔多五六年嘅時間入面，會對病人造成不便，亦令醫護人員喺更加逼嘅環境下工作。
事關政府搞重建無減病床位，當南翼有一百張床位，咁佢圍封重建嗰陣嗰一百張床就分五十五十咁喺東北翼加開。
洗手盆下面呀走廊呀依啲空位就拎咗嚟加床，啲護士想行快步都唔得。
當然，面對一直求過於供嘅病床位，政府咁做都唔係錯，因為咁做就唔會影響床位數量，可以照收咁多病人。
只係令前線醫護人員同病人辛苦咗咁解。