紙言

是咁的，照顧過我嘅護士死咗: 九十五、林林與大叔





上年年尾又話廣華入面個東華文物館有沉降，要停工三個月，德仔睇完新聞即刻努髮衝冠：「好心搞地鐵同重建之前做好啲地質研究先啦！前期調查好準備足咪知邊忽唔搞得囉！屌！又要等多三個月！」

德仔對社會時事好敏感，所以若果佢同阿連一齊實火星撞地球。

而結果我就係遊咗去文物館嗰邊，可能因為咁啱諗起，另外亦貪佢少啲人，空曠啲。

不過一去到，我就見到個好熟悉嘅身影。

係上次嗰個大陸鐵拳阿叔。





佢面前係林林。

好奇怪嘅動作。

點解佢地會⋯⋯摟埋一齊嘅？