是咁的，照顧過我嘅護士死咗: 七十六、退貨
我有勸過十八子改下成日換男朋友嘅壞習慣，被佢拒絕咗。
「男人成日換女朋友就係溝女神手，女人成日換男朋友就係臭雞。點解換男朋友換得密就自然係有問題？我唔試過點知啱唔啱，咁試過唔啱係咪要換先？」
十八子買親野都要確保有試用期，而佢一試唔啱就會即刻退貨，完全無情講。
佢對男朋友，都係一樣。
唔同嘅係，吸塵機唔會喊，而人會流眼淚。
「咁有啲男仔係有女朋友架嘛。」
「我承認我有責任，一半囉。被我勾到嘅都唔慌好野啦，咁仲要嚟做乜？」
「道理係人都知架，咁人地都會係傷心架嘛。」
十八子無理我，反而係耷低頭細聲自語：「結咗婚生埋仔先知，咪仲衰。」