是咁的，照顧過我嘅護士死咗: 七十五、同病相憐
放榜同公布聯招結果嗰兩日，十八子笑到差啲斷氣，話我都有今日。
所以話做人真係唔好咁大口氣，因為人會不自覺咁高估自己同低估外人嘅能力。
而通常你睇唔起嗰個，之後通常都叻過你。
讀大學嗰四年，十八子仍然久唔久主動去浸大搵我，而佢依然喺自己學系同宿舍亂搞男女關係，搞到成日被人擺上cu secret度唱係臭雞。
其實喺某個角度去睇，十八子又何嘗唔係被人欺凌緊？
或者係因為有同病相憐嘅感覺，佢先咁執著於我依塊薯片身上。
如果係你，一定會明白。
所以先想一直喺對方身邊。
就算咩都唔講，唯獨喺被世人排斥依一點上，我地之間係無聲勝有聲。