是咁的，照顧過我嘅護士死咗: 六十六、畢業
我成日諗，如果過去無咗十八子依個女仔，依家嘅我會變成點。
十八子雖然多仔，但通常都係校外人，而校內想追佢嘅通常都係怕醜仔。
「呃⋯⋯畢業快樂，我可唔可以簽你件校服？」
「唔可以。」
對於無興趣嘅男仔，十八子向來都斬釘截鐵咁拒絕。
多年嚟拒絕嘅男仔如恆河沙數，當中不乏一堆被拒絕後惱羞成怒嘅毒撚。
所以暗中好多人唱衰十八子，話佢係臭雞，加上平日不良少女嘅形象太深入民心，連女仔都唔敢同佢玩，所以佢其實無朋友。
畢業嗰日，十八子同我一樣，成件校服都好乾淨，無人同我地簽名，亦無同人簽名。