是咁的，照顧過我嘅護士死咗: 三十五、出院

第二日，阿連都出得院，佢嚟咗我房陪我走。

佢一見我咁多固定器，呆一呆。

「哇⋯⋯你好傷下喎兄弟。」

「無法啦，你又重，我啲骨又天生易碎。」

阿連眼濕濕，佢真係好易眼濕濕。

我係啲骨易碎，佢係個心易碎，所以我地會係好朋友都唔係無原因。

「唔該哂巴打。」

「你明明對我可以咁，點解成日對啲醫生護士咁惡呢？」

我同親阿連睇醫生，佢都對啲醫護人員粗聲粗氣，明明佢地先係救佢一命嘅關鍵人物。

「挑，我比咗錢架嘛，佢地服務我係應該架喎。」