是咁的，照顧過我嘅護士死咗: 三十六、阿連對德仔
阿連一路小心輕力咁扶我起身，一路發表偉論：「咩係服務業先？服務人架嘛，我嚟梗係做皇帝架啦，唔通仲同佢地客氣呀？」
佢嘅聲音之大同扶我嘅力度之細形成好大對比。
「咦金仔，出院喇？丫，咩咁臭呢，係咪有人食咗屎？」
我同阿連望向聲源，原來係德仔。
「喂乸型，你咩意思呀？」
德仔即刻一臉無賴咁，用手喺鼻前撥一撥：「呀，講錯，應該係咪有人瀨咗屎。有無病人瀨咗屎呀？」佢轉身向病人問，之後就行開咗。
阿連睥住佢。
「挑，死乸型。」
「你係中途轉基的話，德仔都唔錯架。」