是咁的，照顧過我嘅護士死咗: 三十四、春天第一朵花

十八子走咗之後無耐，林林過嚟幫我做少少病情記錄。

「你應該聽日出得院架喇。」

林林做完記錄就轉身走。

唔通我錯覺？點解佢好似好冷淡咁嘅？

「啱啱嗰個，你女朋友呀？幾靚丫。」





林林背住我問。

「唔係囉，由細識到大嘅朋友嚟咋。」

佢用懷疑嘅目光望向我。

「唓，都唔知係唔係嘅。」

「我未拍過拖架。」





林林瞪大雙眼望住我：「你咁嘅大話都講得出嘅？」

我即刻舉起左手三隻手指發誓。

「我發誓我係A0毒撚，連對手都係處嚟，無比人拖過。」

林林聽到我話對手都係處，笑咗出嚟。

我想同佢講，佢笑嗰陣好靚，好似春天第一朵開嘅花咁，令我心口好暖。





但為免人地覺得我變態，依啲說話我都係留喺心中就好。

點會估到後來，原來真係無機會講俾佢聽。