凶港: （2）

無錯，我都係一個風紀，仲要係個孱仔，為咗入大學，真係乜職責都要做嚟整乾淨個履歷。 「好我落我落！」我忍唔住笑。

咦，咪住...係咪我眼花?

樓下街度有人跑緊，佢白色襯衫染左一大片紅。 「喂，你又搞乜鬼呀？」阿鋒。
「無野，可能我多疑姐。」我忍唔住望多兩眼，轉眼間，個個人已經唔見左。
「行啦，唔使做呀？」 我地一枝箭落左去禮堂，check下有無人喺度偷情(講笑姐，係check下有無人偷偷地喺禮堂玩手機...)。 --------- 一落到禮堂，其實一條友都無，連樓上包廂都一個人都無... 我：「唉，都無人，查鬼查馬咩。。。」
阿鋒：「既然無人，等我又玩陣先，幫手睇水啦..」
阿鋒攞出手機，坐低，諗住打機
[你個hi hi。。]我無言以對。




佢係風紀，但係佢最叻知法犯法。 「呀屌！」佢大喊。
「又乜料呀？」我對眼無離開過個屏幕。
「我無得用數據喎，我阿媽又話琴日交左網費，屌，原來當我老襯！」
「咁我借俾你咪得囉」
「好喎好喎，早d咁講呀嘛，搞到我爆晒粗...」 咦，點解我都無網絡嘅？ 「喂開咁耐嘅？」阿鋒焦急咁問..
「我都無左網呀！」，我答.. 「咁黑仔，係咪落雨行雷打爛左訊號站呀...」 「嗡-嗡-一-嗡-則-特別...」
死寂嘅禮台上面竟然發出奇怪嘅機械聲 「喂阿駿，乜聲嚟架？」阿鋒好驚青咁問。
「頂，咪嚇人啦，睇下係乜先？」我故作鎮定。

抱住好奇心，我地走上禮台查下，點知突然間有個黑影彈出黎！





我彈左下，但係又唔爭氣咁笑左。
「哇！！」阿鋒嚇到大叫。
「哈哈哈傻仔，抵你死啦傻仔，知法犯法！」原來係我地班個同學Tony 仔。

Tony仔係我地個friend，係IT發燒友，份人好怪雞，平時小息日日都唔見人，我同阿鋒日日都想穩佢去左邊，今日終於真相大白。

阿鋒驚魂未定：「我頂你咩，人嚇人無藥醫呀!」
Tony仔繼續笑：「你睇下你，嚇到咁，阿駿都未驚過啦！」
我假作鎮定，其實啱啱的確俾佢嚇到一下。




我：「你喺度做乜野呀？」
「聽收音機囉...」，佢攞出佢部怪異收音機：「都唔知乜料，無訊號咁嘅，窒下窒下...」
「聽乜鬼野呀？你個傻仔，你知唔知你犯校規呀？」阿鋒唔服氣俾Tony仔嚇親，喺度講笑。

Tony仔舉起手，做咗個安靜手勢：
「shuuuu....聽下...」 「嗡-報道-嗡-嗡-香港--沙田--嗡-爆發--嗡」

我：「聽唔到呀！沙田邊度至得架？」 「嗡嗡-暴----動-嗡-市民-嗡-應留在...安全............地方...-嗡..」 阿鋒疑惑：「乜料呀？又暴動？」 「暫避--------------」收音機發出一堆雜訊。 「頂，爛鬼機，收唔到信號定乜事呀？」Tony仔一邊搞佢部機一邊講。 「下？暴動呀？肯定係班熱血青年啦。」我聳聳肩。 「但係佢地毫無預警喎，點會咁夠膽起革命呀傻仔？」，阿鋒冷嘲熱諷。

「下？暴動呀？肯定係班熱血青年啦。」我聳聳肩。 「但係佢地毫無預警喎，點會咁夠膽起革命呀傻仔？」，阿鋒冷嘲熱諷。 「唉，我無左網呀，睇唔到新聞，你地借數據黎啦。」Tony仔攞手機出黎。 「下，你都上唔到網呀？」我驚異。 「咁大鑊？」阿鋒。

鐘聲突然響起，小息完咗，我地抱住疑問番去班房。

無理由架，又咁巧合個個都上唔到網？





我抱住七上八落嘅心情，聽老師係度講一堆人生道理。

我望住出面。

雨，仍然係咁落..... 仲好似越落越大。

呢場雨，落得有d詭異。