[浪漫甜故] 二月十四日, 我居然破咗中學靚女 Miss 個處: 第五章
呀俊有啲尿急, 跟住同 Miss 講 excuse me 之後就行咗去痾尿, 一篤尿時間, 呀俊突然好快咁跑住番黎, 見佢手揸住一紮好大好靚嘅粉紅色玫瑰花遞住比 Miss Chan 黎講。
「喂 Miss Miss 妳睇吓, 頭先我啱啱見個女仔掉咗響街邊, 跟住我即刻就行去執咗佢番黎, 我睇過紮花無污糟倒, 而且呢紮嘢今日買起碼都唔知要幾多千蚊架。」
![](http://upload.lsforum.net/users/public/o136542019-02-5855o68.jpg)
Miss Chan 同呀俊兩個響度研究緊紮花, 但隔離附近幾張枱嘅人就比佢哋手上紮花吸引住。
「嘩, 個男仔都幾浪漫喎。」
「真係重本, 不過個女仔又真係生得幾靚嘅, 咁又難怪個男仔會係咁捨得啦。」
「今日真係燒錢日, 呢紮咁嘅嘢我睇都夠我響度食幾餐飯都仲有錢找添呀。」
呀俊同 Miss Chan 聽倒之後, 跟住 Miss Chan 正笑得好甜咁同呀俊講 : 「喂紮花好靚呀, 咁不如就當係你買黎送比我啦。」
呀俊又笑住講 : 「好呀, 喂, 一陣等我睇吓條街仲有無多幾紮可以執埋比妳啦。」
Miss Chan 又笑住講 : 「夠嘞, 要咁多黎開花舖咩。」
呀俊見 Miss Chan 似乎好鍾意紮花, 而且塊面正露住甜絲絲嘅笑容咁。
食完飯後, 呀俊同 Miss Chan 好似仍有說不盡嘅話題咁, Miss Chan 手上正捧住頭先執倒果紮花, 而呀俊就提議同 Miss 一齊行番去沙田第一城度等個飽肚可以落吓格先。
月色底下, 兩個俊男美女正響沙田街角上漫步, 好多以前學校啲舊事同人物令到佢地繼續仲有大把話題可以傾到不亦樂乎。
呀俊同 Miss Chan 講 : 「嘩 Miss 睇吓, 條街今日果然真係好多女仔揸住紮花響手度, 不過好彩妳都無蝕底, 如果唔係仲邊有面響條街度繼續遊盪呀。」
Miss Chan 又笑到打住呀俊咁話 : 「黏線嘅, 你成日講嘢都無厘正經咁, 不過我估實係有好多女仔都鍾意同你響埋一齊定嘞。」
呀俊好得戚咁講 : 「多有咩用吖? 但都無個夠 Miss 妳咁靚同溫柔。」
Miss Chan 又講 : 「唔係嗎? 我個樣都只係好普通之嗎。」
呀俊又再加大鞋油黎講 : 「咩普通呀? Miss 妳簡直就係女神黎啦。」
Miss Chan 比呀俊咁講到正掩咀而笑 : 「哈哈哈….., 我真係頂你唔順嘞, 我無嘢識得再同你講嘞。」
呀俊再繼續發功, 見佢扮住細路聲曲住個膝咁同 Miss Chan 講 : 「Miss Miss, 夠鐘放學嘞, 快啲拖住俊俊離開課室放學去啦。」
Miss Chan 見身邊扮住矮仔嘅呀俊 : 「喂俊俊同學唔好玩啦, 哈哈哈, 我真係就黎比你笑死我嘞。」
呀俊拉住 Miss Chan 隻手 fing 住黎講 : 「我要Miss 拖住我, Miss, 快啲拖住俊俊同學過馬路先啦。」
Miss Chan 比呀俊氹到開心死, 見佢真係開始拖住呀俊隻手咁過住馬路。
呀俊慢慢企番起個身, 但突然滿面英氣嘅佢令到呢段過馬路場面顯得非常之咁浪漫, Miss Chan 開始靜咗落黎, 而心內正感覺而家就仿如一對戀人正響月色底下漫步住街頭咁。
兩個人就繼續靜靜手牽住手咁向住沙田第一城方向漫步而去。
![](http://upload.lsforum.net/users/public/w180522019-02-5933w68.jpg)