[浪漫甜故] 二月十四日, 我居然破咗中學靚女 Miss 個處: 第四章

二人擊掌為盟今晚一齊出去食飯之後, 都已經過咗成個幾鐘頭, 所以呀俊都係時候要收拾心情開始同 Miss 油間屋嘞。
 
呢一日, Miss Chan 全程陪響呀俊身邊一路傾住偈黎做嘢, 下晝一齊落樓食完飯之後, 跟住三點三Miss又落街幫佢買奶茶旦治上黎食, 唔覺唔覺, 好快就已經到咗黃昏五點幾鐘嘞。
 
呀俊做嘢效率好快, 似乎玩埋聽日半晝倒就可以全部啲嘢都搞掂哂, 呢個時候, Miss Chan 話要換過套衫出黎準備等呀俊收工之後就一齊出去食晚飯, Miss Chan 入房換過衫後, 呀俊見 Miss Chan 出黎已經一身輕薄性感吊帶連身短裙, 而面上似乎又補咗啲淡淡嘅妝咁。
 
呀俊望到有啲呆咗響度, 嘩, Miss Chan 果然真係正到揼一聲呀。(條 9 即時抽咗一抽)
 
呀俊個電話響起, 係老細何生打電話黎, 何生問咗呀俊 Miss Chan 間屋啲進度之後, 跟住就叫呀俊搬埋啲無用嘅嘢落樓上車先收工。
 


呀俊執埋啲垃圾空油罐同 Miss Chan 落樓之後, 貨車已經到咗, 呀俊叫 Miss Chan 行過一邊等佢一陣, 跟住呀俊就要做埋啲手尾先至走得。
 
遠處石櫈上, Miss Chan 靜靜望住呢個以前比佢教過嘅中四學生, 正默默耕耘咁繼續努力地工作, 健碩嘅軀體, 充滿澎湃動力嘅肢體動作, 呢一刻, Miss Chan 心內突然湧起一股難以言喻嘅感覺出黎。
 

 
半個鐘頭之後, 呀俊終於都完成哂所有嘅工作, 貨車走後, 正大汗疊住細汗嘅呀俊, 已經行到 Miss Chan 面前繼續抺住汗黎同佢講 : 「喂唔好意思呀, 要妳等咗咁耐添。」
 
Miss Chan 呆望住呀俊, 跟住見佢響手袋內攞咗包 tissue 出黎, 玉手正遞住 tissue 黎幫呀俊抺住額頭上面啲汗。
 


Miss Chan 同呀俊講 : 「吳英俊, 其實你有無諗過再讀番書跟住轉行搵過份好啲嘅工黎做咁呢?」
 
呀俊搖搖頭咁話 : 「Miss, 職業無分貴賤, 況且我都算係腳踏實地咁去做嘢吖, 而且我哋呢行如果唔係有不良嗜好嘅話, 慳慳哋其實都可以儲倒啲錢架, Miss 妳咁醒目都睇得出我係個老實人黎啦, 如果唔係妳都唔會話肯請我去食飯黎慶祝生日架, 係唔係?」
 
Miss Chan 聽倒呀俊咁講, 即時露住一個甜到漏嘅笑容黎講 : 「咁我都知道我呢個學生係老實人, 好呀, 咁你話比我知你想去食啲咩嘢吖, 就等 Miss 一陣去陪你過生日嘞。」
 
呢一晚, 呀俊同咗 Miss Chan 去沙角村啲苳菇亭度食生日乳鴿, 期間呀俊仲買咗個旦糕仔去苳菇亭內要 Miss Chan 同佢一齊吹蠟燭, 呀俊點咗支蠟燭正許緊願。
 
我要同 Miss Chan 扑嘢, 我要同 Miss Chan 扑嘢, 我要同 Miss Chan 扑嘢……
 


Miss Chan 見呀俊響度喃喃自語, 跟住就問呀俊到底許咗個咩願, 呀俊古古惑惑咁同 Miss Chan 講 : 「秘密, 而且願望係唔可以講出黎嘅, 因為傳說願望一講咗出黎之後就會唔靈架嘞。」
 
Miss Chan 無呀俊咁好氣, 但又到呀俊問番 Miss Chan : 「呀係呢, 咁其實 Miss Chan 妳又有無啲咩願望架?」
 
又到 Miss Chan古古惑惑咁同呀俊講 : 「咁你都話講咗出黎就唔會靈過咯。」
 
呀俊就講 : 「唏, 咁響生日許嘅願就唔講得啫, 咁平時講果啲就唔算數架嗎, 呢 Miss Chan, 講啦, 其實妳又有啲咩願望架?」
 
呀俊又再死求爛求住 Miss Chan, 而 Miss Chan 又比呀俊求到心都軟哂。
 
Miss Chan 終於都肯講 : 「其實…..我不嬲都想……有一個我鍾意嘅人, 夜晚可以比我攬住黎陪我傾偈, 而我就挨住響佢身上一直傾到我瞓著咗為止。」
 
呀俊聽到後再講 : 「剩係傾偈? 咁仲有無其他嘅事發生呀?」
 
Miss Chan 知道呀俊嘅意思, 跟住即時咋嬌咁又扮打住佢黎講 : 「喂, 你唔好成日都諗埋哂啲咸濕嘢先啦。」


 
呀俊又再講 : 「唓, 有幾咸濕啫? 但妳個願望係咁簡單, 呢, 而家呢度就有個現成響度, 覺得啱使嘅就即管隨別攞去用, 我其實都好鍾意傾偈架, 啱嘅我同妳傾通宵咁又點話吖。」
 
Miss Chan 聽到後又再咋住嬌黎打住呀俊。