喪"師": 4-殺一儆百

 「呀！」
但電話入面突然傳嚟豪仔嘅一聲慘叫，然後對面就再冇佢嘅音訊。除之而來嘅就只有野獸嘅低吼聲。唔好呀！我心入面吶喊。呀！豪仔呀！我忍住唔出聲咁喊咗出嚟！我絕望咁坐咗喺地下。喺呀姨對你唔住，我保護唔到你。但過咗15分鐘左右，我聽到頭頂傳嚟聲音。
「呀姨！呀姨！」
我抬頭一望，見到豪仔就喺通風到，我喜極而泣，即刻將佢抱落嚟！
「豪仔！你冇事就好啦！」我摸住佢塊面講。
豪仔望住我笑笑，又摸咗一摸腳。
我問：「咩事呀豪仔！你整親？」
豪仔拉開褲腳，俾我見到腳上嘅抓痕，我成身震住咁問：「點整到㗎？」
佢話：「啱啱俾校長抓傷㗎！」
仆街了！仆街了！我激動咁扯自己頭髮，一面打自己，一面喊！




豪仔捉住我隻手問我：「呀姨！你做咩呀？你做咩喊呀？」
「我⋯⋯我⋯⋯怕你有危險！我唔想同你分開！」我心痛咁望住佢。
「唔怕唔怕！我依家咪同你一齊囉！」佢天真咁同我講，完全唔知道自己依架喺咩境況。而我只能攬住佢默默咁流淚。
豪仔繼續問我：「呀姨！我地會出返出去㗎可？」
「會！」
豪仔滿足咁講：「好！」
我知道豪仔好大機會已經受感染，如果佢真喺受感染我應該點做，呢個課室一眼望曬，根本冇嘢可以困得住佢。我真喺唔知道應該點做，佢屍變的話我地全部都會死，我死咗冇所謂，反正我都自覺冇顏面再見我呀哥。暫時我唯有繼續留意住豪仔嘅情況先。
同時因為豪仔已經幾日冇食嘢，我將僅剩嘅食物都俾咗佢，佢狼吞苦嚥咁食，面食一面發出小小低吼嘅聲音，我亦見到佢隻手開始顯現青筋。
但當佢見到有小朋友眼甘甘咁望住佢，佢仍然將佢手上嘅食物分咗俾其他小朋友。我問佢：「如果你同佢地之間只有一個可以出去返屋企見返爸爸媽媽，呢個機會你會留俾自己定俾其他人？」
「我會俾其他人⋯⋯因為我喺英雄嚟，我唔怕！而且我知道呀姨你一定會帶曬我地出去呀！所有人， 我地都一定要同爸爸媽媽團聚呀！」




聽到佢咁講，我喊住咁攬住佢講咗句對唔住之後，我就將佢個頭一下撞埋牆，撞暈佢。我究竟應該點做至好呀！喺呢個時候，明仔竟然不識時務咁扭計，話要出去，喺到噪！又引起一兩個小朋友發脾氣。我真喺覺得好無助，一路而嚟我都喺到幫佢地生存，但喺佢地唔明，反而成日做埋啲嘢會令我陷入危險。再喺咁落去，我地冇一個人會有命出返去。我望咗一望瞓喺地下嘅豪仔，佢嘅呼吸聲都已經接近與野獸無誤。再轉向其他小朋友，同佢地講：「噓！我有啲好得意嘅要俾你睇，你唔好噪，係窗邊等我先。」
之後，我安排好每一個小朋友都可以喺窗邊偷偷望到外面，我同佢地講，陣間出面會有有趣嘅嘢睇，佢地要靜靜地望住窗外同埋一定要睇曬。
就喺我確認咗所有人都望住出面嘅時候，我將暈咗未完全變成喪屍嘅豪仔喺門口丟咗出去。我一丟佢出去，周圍啲喪屍就衝上去撕咬佢。班小朋友睇到退後，我將佢地推返去前面，逼佢地睇埋，尤其個個明仔。到豪仔已經被啃食到七七八八，我叫佢地圍住我集合，佢地圍埋並且驚恐咁望住我。而我只喺笑住，流住眼淚，瘋瘋癲癲咁同佢地講：「你地依家知道咩叫死未？知道未呀？如果你地以後再係唔跟我嘅指示，你地嘅下場就好似佢咁。我會送你地去死！」過程入面我都壓抑住自己嘅怒火同埋傷心嘅情緒，令句句兇狠之餘，又唔會好大聲。
依家，我想救我心愛嘅姪仔但喺救唔到，但我就要為咗呢班日日喺到危害我生命安全嘅細路勞心勞力。我真喺受夠啦，但我喺一個老師，我一定要䀆我嘅能力帶佢地出去！今後，我就睇下豪仔嘅犧牲會唔會令佢地有所改變。豪仔嘅犧牲會唔會變得有意義！


 #有興趣可讚黑柴Facebookhttps://www.facebook.com/%E9%BB%91%E6%9F%B4-879053098899020/