《職業魔法師:駐急症室解咒師與女助手》: 廿八:初陣
Jean?最後見她的時候是....是在出入境大樓的時候吧? 最後是吸收了妖力的千雪將她變成了千雪的樣子, 昏迷著被伐魔隊押上了車。在車上, 阿Jean身上的妖法失效, 變回了自己的樣子, 還氣得施子雄吹鬚睩眼, 接著我忍不住嘲諷了他一句, 結果他一怒下弄昏了我, 醒來後我已在三途川拘留所...
「你搵施子雄啊?」我道, 「佢係最後見到Jean既人, 而且北斗會館隻錶唔係可以追蹤?」
「呢度...將個圓形...」
「喂?」
古Sir道:「係, 係度, 施子雄呢排招呼緊之前審可柔個幾條友, 唔得閒架啦。」
「朋友出事都唔得閒?」
「係呀, 應該都係想打好關係想下年選IMSC啫, 雞珍都做到世衛大佬啦。」
IMSC 就是「國際魔法與巫術理事會」的英文 International Magic and Sorcery Council 的簡寫, 是全球性的魔法師組織, 如魔法社會中聯合國一樣, 之前梅會長的死, IMSC就派過亞洲事務辦事處的鈴木小姐來參與, 除了它外還有國際巫術法庭等不同國際魔法組織。
千雪卻在旁邊問我:「邊個係雞珍?」
她這年齡已經不認識了嗎?!
等陣同你講--我以口型和摟住我的千雪說, 然後道:「咁唔係忽視阿Jean既理由, 不過...短時間我地都同佢面阻阻架啦。獵戶座呢?」
雖說他一路上說是公事公辦, 但要與拘捕過我們的施子雄繼續同以前一樣實在強人所難。
「追蹤陀錶只可以係由北斗會館申請, 我地唔會理。 順帶一提, 可柔係唔會有權限。」
「...唔好再捲佢入黎, 廢事攞佢前途黎搞飛。」
「咁有咩計?」
我沉默了片刻。
「你搵頌音啦, 佢會有方法。之前搵夏富都係佢搵私家偵探搞, 只要唔涉及魔法因素既話普通偵探夠架啦。」
「你同施子雄一模一樣啊, 都係咁冷淡。」
一回想起阿Jean手執魂俱「奏」大殺四方, 萬夫莫敵的樣子已經覺得不用擔心, 聽說奏在全速下連子彈也能斬碎呢。
我把頭靠向千雪臂膊:「唔係冷淡啦。只係我想陪千雪多D。」
「咁我搵頌音啦。」
電話掛斷。
我轉手機到搜尋畫面:「雞珍, 咪之前做到世衛個香港人。依加D 90後....」
「哦...咩Wor 2003年, 我先5歲! 你唔係鐘意學生妹咩?!哦! 咁我去搵件水手服返黎囉!」
「唔係呀!」
「真係?」
「真係唔係。」
「嘻, 唔信!」千雪把耳朵貼到我胸膛, 我感到她的體溫在自己胸前散開, 傾瀉的秀髮在我身上攤開, 亮麗的髮絲倒映著光管的光暈....「嘩, 心跳到咁快既!你講大話?!」
我笑道:「對住你我好難唔心跳加速架Wor。」
「係...係咩...」明明是她先撩起, 最後卻自己臉紅紅的躺在我身上。
Jean應該是最近忙, 去個旅行之類甚麼的吧。
第二天是我們去北斗會館報到的日子, 本來我就不喜歡這兒, 現在更甚。在前面進入後先是見到Kelly又在對著遠方的施子雄發情, 這樣真的確認北斗會館進出者的身分嗎? 受了她一輪冷嘲熱諷後我本來打算與施子雄說說Jean的事, 但他又是與熊會長, 爵士和鈴木小姐聊著天, 我不喜歡這些高高在上的人們, 所以也打消了念頭。
「挑, 得架啦。」 負責簽到的伐魔隊隊員以超不友善的態度收回文件, 「走!」
看來辯護師們為他們帶來了不少麻煩, 話說曉兒的「老世」沒有聯絡我啊?
「我地會唔會太早?」牽著我的千雪掏出我的陀錶道, 「都未夠鐘。」
在說與古SIR喝酒的事呢。
「...我地仲有野做。」
「做咩?」
我與千雪穿過在兩座大樓之間的中庭, 愈來愈漫長的日光從玻璃巨牆中映來, 花草閃爍著青翠的光暈, 實在很難想像這兒在ICC的內部。
「幫你報名, 正式注冊!」
「下?!」
「唔準講D咩 "我真係得咩", "我唔得架:" 個D野架, 你不但係我女朋友, 兼係獲授休止符既人。」我停下來彎腰輕彈千雪的額角。
「但..但係..」
「以你既能力, 絕對無問題。」我輕撫她被風吹亂的瀏海。
千雪填好了資料後交給了還是坐在前台的Kelly。
「真係做解咒師啊, 千雪..」Kelly露出憐憫的眼神, 「依加改變主意仲黎得切架Wor。」
千雪點點頭:「唔改!」
「.....我會好盡力維持你係我心中既形象。雖然相比起第一次見時已經..唉!」
Kelly飛快地鍵入資料, 又是蓋印又是排期甚麼的。
「話說, 佢地搵到殺生石未?」我問道, 始終這本來就是我們擊殺黑小玉外的第二任務既。
「似乎伐魔隊已經搵到。」Kelly另一個絕技就是一邊工作, 一邊瞪著進出北斗會館的人, 一邊招呼站在前台的人, 「送左去會長既寶庫? 定沉左落海溝? 定轉移左去太空?」
「喂, 唔清唔楚架。」
「伐魔隊唔講我有咩計啫! 總之施隊長話我唔使擔心就係啦!唔信佢唔通信你咩, 解咒師!」這傢伙, 月事來了? 這樣燥? 話說狐狸精會有這種現象的嗎?!
「會長寶庫? 即係博物館啦, 千雪, 去唔去睇下?」
「好呀好呀。」每次來這兒都有事辦, 千雪其實沒機會參觀的吧。
不是所有魔法都能由會長一脈傳承下去, 能傳下去大都是有甚高失傳機會的大魔法, 「封神」就是其中之一, 所以這些威力高深莫測的魔法需要等到會長漸漸成長而解封, 避免做成他的心智影響與身體生理上的不能承受。另一方面, 會長繼承回來的還不只有魔法, 還有寶物們的「使用權」, 這點就不用解釋了, 只是好像法律文件一樣。
記得他之前病發時一言不合就憑空拔出聖劍嗎? 原理的話與我召喚鎮魔彈是一樣的, 不過我的是自己研發的鎮魔彈, 而他的是從父親繼承回來的聖劍, 還有其他不同的法寶, 必要時也會借出法寶給伐魔隊用, 綑仙索就是其一, 還有其他林林種種的甚麼聖劍聖槍披風舍利子的......這可是物理層面上的父幹。
「基本上同多啦A夢係一樣, 有一大堆自己唔識用既法寶。」
「我係叫開叮噹.... 不過都係既。」
Kelly罕有地點頭:「唔錯既比喻。」
大家都同意呢, 不過以會長的身高, 連聖劍也比他高吧, 光是想起他高舉聖劍結果被劍的重量牽著走再「噹朗」一聲摔到地上就忍俊不禁...
「文件搞好, 考試分筆試同實戰, 下星期二。」
「下星期?! 咁快!」
「放心啦千雪, 你一定掂。」
為甚麼我這樣說?
之前, 千雪是負責在前方近戰, 擾敵, 我放出反瑪那與休止符壓制, 沉默對方, 然後由千雪的鐵拳揍飛........現在的她啊, 可是攻防合一呢! 相信超越我也只是時間問題吧, 白千雪這三字將會是未來香港最高解咒師的名字。
在博物館閒逛了一會後到了與古Sir會合的時間, 我們離開北斗會館前往酒吧區, 相比起蘭桂坊, 諾士佛臺那種聲色犬馬, 酒池肉林, 我們更喜歡的是赤柱角落這種吹著海風, 靜靜的聊聊天的小聚, 不過這次施子雄與阿Jean沒來。
有點..靜呢。平日Jean總是喝得很兇, 施子雄被港女或外國女生包圍, 古Sir默默的喝著, 然後Jean開始發酒瘋, 最後被奏制止的作結。
「千雪, 你真係飲得?」我擔心的道, 始終她很少喝酒, 雖說我很多時都因為醫院的事而沒來這三人組的聚合, 但千雪比我更少。
三人組...也只有古Sir一人了呢。這就是所謂的中年沒朋友危機吧。
「已經搵到頌音,」古Sir 輕呷一口啤酒道, 牆上的電視機播著我們不認識的球賽,「佢話會搵私家偵探。....不過千雪都識呢D啦。」
千雪嘟起小嘴道:「我先唔介意, 唔使補最尾個句囉...咳! 咳!」
她被嗆到了。
我為她遞上紙巾, 街上幾個路人望過來這邊, 但海浪聲又馬上蓋過了千雪的狼狽樣子。
「佢唔會有事既。」Jean強悍的樣子又浮現腦海中, 「獵戶座既皇牌, 點會咁易有事。」
「你夠係啦。」古Sir亮出意義不明的笑容, 「咪又係咁。」
「啊? 我依加好差啊?」
他沒興趣和我吵:「....不過有咩事都好, 奏都會幫佢既。」
「其實佢地兩個係咪拍緊拖?」千雪小心翼翼的問道。
「親密, 但又唔係拍拖咁, 你明唔明?」古Sir總是當千雪是小女孩, 雖說她還真是。
「明呀, 同我之前同醫生咁樣。」千雪真誠的回答道。
「噗---!!! 咳! 咳!! 」啤酒化成酒霧在空中噴開, 旁邊的人以為我要表現吐火, 而我差點成為了第一個被啤酒淹死的魔法師。
千雪連忙幫我抹嘴, 把自己用完的紙巾遞過來, 我連忙擋開掏新的..
「唔係咁...奏佢係魂俱, 而魂俱好多時都係由家族流傳落黎, 同家族有關, 除左少數被殺後化成惡靈寄宿到武器上, 侵蝕兇手心智既個案。但係, 奏聽講普通家族流傳落黎咁, 其實魔法界係幾多父幹類型。」
把跑到鼻子的啤酒清空後,我搖頭道:「唔係, 佢唔係普通老豆既魂俱由個女繼承個種, 又唔係屋企人死後化成魂俱由遺孀持有個種, 唔算係父幹。」
「你又知?」
「佢講過啊? 奏係立下契約, 將會守護Jean一族世世代代既個種, 當然都認同左阿Jean既人格受同實力。」
「魂俱立到契約既咩。」
我認真的說:「唔係魔法, 只係單純既一諾千金。」
帥-- 相信二人和當年的我只會產生一樣的簡單看法, 單統靠自己的承諾而不是違反契約帶來的天罰, 在這年頭...已經是相當少見了。
而所謂魂俱的認可, 以我為例, 我舉起奏的話大約會沉重如金條一樣連揮也揮不動, 而且只是普通木刀的威力, 因為奏不會願意被我手持。
「佢..冇講過。」古Sir呆呆的說。
只有我知道的嗎!?
「醫生, 講我地聽啦。」
「講人是非唔太好既。」
「佢有冇講過唔講得比人聽?」千雪就是機靈, 她的確沒說過不可以告訴人。
一本正經的古Sir在這兒時候卻默不作聲, 還靜靜的把最後一條薯角淹進的忌廉中塞到口中。
「咁...係冇啦。好啦, 是咁的....」
那天, 是我加入獵戶座天文台的第一天。
帶我圍著獵戶座天文台中央的堪天室走了一圈的曉兒在交誼室等了下來。
「大致上位置就係咁樣, 有問題既話就問下人..我本身想咁講。」曉兒印像中從第一天開始就是穿著整齊的套裝, 我有時懷疑其實那套衣服是她身體的一部分, 「但係你都唔會問架啦。」
那時我剛剛完成了復仇, 於北斗會館正式注冊,一邊兼職在急症室扮演「沈醫生」, 一邊以外判的方式擔任獵戶座天文台的獵巫者。
「冇咩好問。」我淡然道, 「幾時有魔法師要討伐。」
「魔法師既話, 主要係由伐魔隊既, 我地對付妖精, 惡靈, 魂俱比較多。」曉兒拉開大門道, 「同埋我地係唔希望有柯打, 就好似醫生唔會貼生意興隆既揮春一樣。」
交誼室中就好像是那些外國IT企業的辦室室一樣, 有健身器材, 足球機, PS3... 日常吃飯, 消磨時間甚麼的都在這兒。相比起坐在堪天室不同象限的座位上以SMS發送瑪那觀察結果和接聽魔法師打來查問瑪那值, 還是這邊比較有趣。
「難講。」在急症室中不是沒有見過醫生轉私人執業時被祝生意興隆。
曉兒道:「講真, 你有冇女朋友?」
「冇。咩?」
「都估到, 咁既性格..」她說著卻別過臉去。
「嘁。」我嗤之以鼻, 「有咩問題。」
「總之..好好同大家相處啦, 個邊個個係Jean, 魂俱使, 亦係獵巫者中既後起之秀, 相信好快就會成為最頂尖啦。」
「人地點樣, 唔關我事。」
叫Jean的女生旁邊還坐著一個一身白衣的男人, 舉手投足好像騎士似的樣子, 但是卻沒有人類先天的元氣, 似乎是使魔或是式神, 魂具使...那麼就是她的魂具吧。
「唉, 無得救啦你。」她拍拍我臂膊, 「我平日好少係度, 因為仲有唔同Job會接, 如果你有野要搵我打呢個電話。」
她給我一張名片, 上面寫著的是她的全名與電話, 職位是某財團的顧問。
「呢個集團..爭產案關魔法師咩事?」
曉兒馬上閉嘴, 以其職業病級數反射動作道:「無可奉告。」
後來我還是知道了與種生基有關。
「咁算。」我不會求人。
「你唔使收埋張卡片?」
「唔使, 背左。」
「下?!」
「你唔得咩?」不知為何現代人沒有背電話的能力, 扔了手機又沒有備分聯絡人的話就等同斷了六親。
「..我! 我當然得啦!你生日係幾時?! 你依加講完我永遠都記住呀!」
我隨口說了生日日期, 但事後也沒有考她。
「咁我走啦, 仲有野做, Jean!」
遠方坐著在補妝的Jean回頭道:「係?」
「佢就係沈醫生, 幫手帶帶佢, 我走先。」
「哦..」
玻璃門關上, 反正現在我只要在這兒待命, 等耳機傳來出動的指令, 到會議室集合聽任務解說就行了吧。
「你就係沈醫生?」
「嗯。」我走到一角, 抽出書櫃上的<<歐洲書靈術簡要>>準備讀起來。
「我係阿Jean, 係魂俱使, 佢係奏, 係我既魂俱。」
「父蔭啊, 唔錯。」 我對這種只是繼承了家族魂俱, 戰鬥時完全無腦交由有意識的魂俱自動迎擊, 格擋, 施法, 反擊, 回避的人沒甚麼好感。順帶一提成功需父幹一詞起源於2011年, 那年還沒有父幹這更貼切的形容。
奏聽到我這樣說後卻有點生氣:「Jean佢唔係靠父蔭, 唔使咁講野, 沈醫生。」
「你鍾意啦。」 原來太大威力的書會令召喚者的身體受不住呢!
「嘁...」奏一直看我不順眼是因為那時嗎?
「你其實平日係咪都係咁?」
「點?」
「黑口黑面, 講野唔超過十個字, 連第一次見面既人都可以得罪。」Jean開始有點生氣
我望望她, 沒有回應。
「世界上係有呢D人, Jean.」奏看看我道, 「佢地只活係自己既世界。」
我的世界, 早已崩塌了。
「魂俱係亡魂寄宿入去, 如果唔係死者既親人好難會得到, 所以魂俱使都係靠父蔭, 有咩問題?順帶一提呢句超過十個字。」我放下書, 把書角折起標示看到那頁, 這是壞習慣, 我也叫千雪別學。
「以偏概全!」奏怒道, 然後他身影一閃, 化光重新凝結, Jean面前已經多了一把木刀。
「...遲下有機會再同你解釋。」Jean表演了一次遠超短裙長度的木刀消失在裙下的魔術, 「我會用實力說服你。」
Jean是個有著強烈自信的人。
而直到那次, 她才與我提起奏的起源, 那次目標是討伐手執魂俱的邪法師。
「結界已經張開左, 佢一定係入面, 結界師會守住結界, 負傷既佢唔會沖得出去。」曉兒手執紙地圖解釋道, 「依加我地要定住呢度, 就由高架橋黎做防線, 唔俾佢出去, 等援軍黎到---喂! 你兩個去邊呀!」曉兒看著我與Jean直接無視她, 走向橋底方向。
我回頭道:「佢已經無路可逃, 仲等咩。」
「有我同奏係度, 佢惡得出咩樣。」
這傢伙, 想和我搶!
「我地得三個咋!結界師又無辦法近戰!」
只有我也足夠了!-- 我與Jean同樣這樣想吧, 正往最強魂俱使進發的她, 與被說成魔法師獵人的我, 就如互相爭奪獵物的獵犬一樣。
「你兩個, 專業D得唔得呀, 唔好自己行動呀! 喂! 喂呀!」曉兒氣急敗壞地走上來。
「咁你又黎。」
「我驚你同Jean打架啦嘛。」
「佢?」我望向她, 「只會係單方面暴力, 唔算打交。」
「我單方面暴力你呀?」
「黎呀! 試下囉!」
「咩呀!黎呀!」
「你兩個收聲! 咁落去我地會被佢發現...」
紅光閃動!
魔盾!
我橫身欄在二人面前, 右手舉起召出魔盾, 無形屏障張開--
「噹!」
一下衝擊波刮過山坡, 樹葉矮木飛散再被削斷, 要不是我的魔盾身後二人都被攔腰斬開兩邊了吧!?
「咁遠?!」
曉兒道:「頭先冇聽書?! 佢手上既係魂俱真名不明, 代號係斬空刀, 可以發射無形劍氣遠程攻擊, 而且佢本身都有強化魔法, 不但魂俱勁, 本身魔法造詣都強, 所以先話----」
又來了! 魔盾!
「噹-!」
「所以--先話要搵你兩個一齊幫手!」
遠程的話有點糟啊, 我的反瑪那是以我自己為中心點發出, 抵消大氣魔力令魔法沒法生效, 但看來那把代號是斬空刀的魂俱攻擊距離比反瑪那場的最大直徑還要長! 雖說我全力的話可以把他蓋住,但是反瑪那只能消去他的強化魔法, 沒法殺死魂俱!
聽說他為了強化自己的魂俱由殺動物最後變成了殺人, 魂俱吸收了其魂魄而變得更強更兇殘, 侵蝕了魔法師的心智, 這程度的話以反瑪那將其虛弱化也壓不住太夠吧?!
「曉兒, 你可唔可以由呢度解開佢既強化魔法?」
「可以啦。」反而她的傳統解咒術有這能力, 「但係佢手上既魂俱好強。」
「唔會比奏強! 吞食亡魂都算, 竟然為左變強而殺人再噬魂, 簡直係喪心病狂!」
「你擋到佢D劍氣咩?! 慳D啦你!」
「你擋完後埋身夠魂俱打咩?! 慳D啦你!」
這程度, 靠近後能有時間詠唱自我結界嗎? 如果慢一點的話可是會死的!
「你兩個合作一下會死啊?!」曉兒道, 「沈醫生, Jean, 你地兩個都係我地既皇牌, 獵戶座唔通真
係唔可以藏二虎?」
紅光閃爍, 劍氣沸騰-
我與Jean交換一個眼神。
一個互相鄙視的眼神。
「曉兒。」我拉住想走過來的她, 「係度好好保護自己。」
來了!
「我同呢個冒牌醫生去一去就返黎。」
魔盾!
「奏!」
「砰!」魔盾格下劍氣, 奏重擊地面揮起塵土!
看好吧, 癲老頭, 這就是獵戶座兩位皇牌的全力!
我與Jean各自殺出, 劍氣伴著戰吼發射, 我一看到馬上飛身擋在Jean面前張開魔盾擋下, 然後又分頭跑開, 在樹林的陰影間, 我與Jean沖過了高架橋的巨大陰影,猩紅色的光芒每閃爍一次, 我便擋下攻擊一次!
防禦可是我強項!
「砰!」魔盾碎裂, 但攻擊已被抵消!
範圍到了! 起舞吧, 反---
「沈醫生!」Jean比我更快看到隨著劍氣波突擊的邪法師, 飛身擋在我面前舉刀擋下斬空刀的砍擊!
是看穿了魔盾格擋後的空隙了嗎?!
「噹!」奏與斬直刀互撼, 震飛四周所有植物, 邪法師與她雙雙往後飛!
「Jean!」我接住飛向我的Jean, 「有冇野?!」
「冇事!」
說謊, 相比起奏, 斬空刀是巨形大刀, 刀身甚闊, 又重又沉, 剛剛一壓已經把Jean的手壓到拉傷。
原來, 除了魂俱外還要講求魂俱使本身的身體質素嗎?
「好! 收佢皮!」
「講明先, 我要攞到最後一擊!」
我笑道:「俾你--」
起舞吧, 反瑪那!
「--我只想要佢條命。」我看到受了傷的Jean後, 感到了怒意!
紅光閃動--果然也是體內有魔力儲著的那種嗎! 但這情況強化魔法不會強效, 只要解決掉魂俱的話就完結!
「吾名為張映城--」
Jean在我面前, 暴露出真名。
真是的...
「吾名為沈默然。」
宣告真名的Jean, 我作出了相應的回覆。
奏震裂了劍氣! 即使威力巨大, 攻擊距離遠, 本質上還是類似風切的魔法! 只要宣告真名的奏就能斬斷它!接著奏與Jean突擊, 因反瑪那而沒法使用魔法的邪法師還鼓動體內魔力施展自我強化--!
「砰! 呼- 裂!」奏斬出! 邪法師連臂膊帶斬空刀被削斷!
鎮魔彈!
「砰!」
槍聲響起, 鎮魔彈直擊其心臟, 邪法師斃命。
高架天橋下山谷的風再次平緩了起來。
「你認真起黎就做到咁, 就一早咁做呀?」
「頭先唔係你話我一個人唔得既咩?」
「車, 你夠講過....奏果然好強呀, 你一族有件好魂俱。」
奏搖搖頭道:「我唔係Jean屋企人既先代。」
「哦?」
「我只係同佢地祖先有過誓言, 我會效力佢地既血脈, 但係, 亦先要我肯定左佢既品格同努力先。」
「魂俱都立到契約?」
「唔係你地契約魔法, 只係男子漢既千金一諾。」奏說罷變回刀形, 被Jean收回裙底。