[人生哲理]《黑白的世界不止於灰》: 29 將來的打算(2)

家姐吃完飯後，丟了垃圾，跟我一起站在路邊。
 
直至明月姐回來。
 
「企晒係度做咩？」明月姐問。
 
「等你條鎖匙！」我們一起說。
 
「頭先我遠遠望到你地，傾得好開心，傾緊咩？」明月姐轉移話題，率先走上樓梯。
 




我們緊隨在後。
 
「冇……講緊今日既計畫好成功之嘛。」我滿足地說。
 
「係囉。」家姐和應。
 
才上了一級樓梯，明月姐就轉身面向我們。
 
「你地係咪開心得太早？」她嚴肅起來，「何常，我問你，你點解要跟我地黎旅行？」
 




「為左……阻止佩盈變成灰色。」我說。
 
「依加佩盈係咩色？」她問。
 
「灰色。」我低頭。
 
外面的街燈，照不到我的臉。
 
「佩盈同其他人唔同，老豆遺傳得好，屬於先天性有色彩既人。」明月姐說，「佢天生就係咁有魅力。」
 




「哩種人，一旦變灰，有可能唔會再恢復色彩。」她說，「身邊人未必一定幫得到佢。」
 
「感動同鼓勵只係一時，隨時兩日就忘記得一乾二淨。」她說，「如果佢自己冇辦法產生色彩，最終佢都係……」
 
「我覺得——」我說，「佩盈唔係咁既人。」
 
「事實係，佢仍然係灰色既人。」明月姐說。
 
我吸一口氣，反駁不來。
 
「咁要點做？佩盈先會有返色彩？」我慢慢問。
 
明月姐表情有所變化，嘴巴兩動，說出了一個方法。
 
拍了拍我們的肩膀。




 
便轉身上樓梯。