【校園】現實與平行時空的愛情故事: 第三十四章 – 錯的時間錯的人-1 (勇士)

- 第三十四章 – 錯的時間錯的人-1 (勇士)
 
沒有開花結果的感情就不如及早放低。
 
或許迎接新一段感情。
 
…………………分隔線…………………
 
返到香港，暑假期間都有參加V樂園既話劇排練。
 




只係知今年係最後一年參加Ｖ樂園，因為梁Sir要離開。
 
無奈只好接受，亦好好珍惜。
 
當中有好多人新加入，有新面孔，有熟悉，亦有再見的。
 
好快到演出當天，一切如常。
 
排練如常，大家準備就緒。
 




演出一直如常，直至到演出中段發生小插曲。
 
話說當中有阿飯都有一齊參與V樂園，但有時佢有啲貧血，比較容易暈低。
 
就係演出中段佢意外暈低左。
 
之後由其他演員拖佢入後台。
 
當大家擔心之後既演出時，我就好認真同後台工作人員講：「轉頭阿飯講既野比我講埋，幫我同對面講」
 




當準備下一場時，我見到阿飯如常行返出舞台演出，我放下心頭大石。
 
唔係因為我唔需要代替阿飯演出，而只係佢個人冇事。
 
唔知點解我係果一刻會好似勇士上身咁講野，或者係我個人真係有所成長。
 
到最後，如常演出成功。
 
及後，當大家收拾好後台準備走之前。
 
三位阿Sir都有啲說話同大家講，其中梁Sir讚美我岩岩中段既表現，呢一切唔係係舞台上見到，而係真真正正一個人既改變。
 
當時大家都拍手，我自己亦有啲怕羞，但係開心。
 
完Show後大家將後台既野搬上車，再車返去中心放低。




 
然後大家就去打邊爐慶功，好開心。
 
完左暑假之後，好快就到我生日。
 
當日我約左V樂園既朋友，肥然同浩賢去觀塘唱Ｋ。
 
唱唱下「重口味」就收到個電話，係阿飯打黎。
 
佢話有生日禮物送比我。
 
之後我就係K房出面見到佢，佢送左一份幾得意又有心思既禮物比我，我唔太理解當中既意思。
 
佢份禮物係一張白色大卡紙，當中有好多好似係雜誌剪出黎既女仔貼左落去，寫左成張紙都係既生日快樂，又寫呢到有好多女比我揀。
 




我真係唔理解呢份禮物既真正意思。
 
之後我就一直珍藏住呢份禮物。
 
究竟係咪有啲咩意思呢？