【校園】現實與平行時空的愛情故事: 第三十三章 - 第二次的戀愛-14 (旅行完結)

- 第三十三章 - 第二次的戀愛-14 (旅行完結)
 
每一件事都有完結既一日，旅行都係。
 
或者完結既時候就係要回歸現實。
 
…………………分隔線…………………
 
-第六日-
 




呢一日我一教訓醒就有一種諗法，就係覺得自己已經做錯左。
 
所以呢一日我好莫名其妙地心情好差。
 
成個面黑哂，好似嬲左成村人咁。
 
呢一日去左新加坡類似城市規劃既地方，入面有好多城市既模型。
 
可惜我通通都冇興趣。
 




我冇同任何人講野，包括沛珩。
 
只係覺得自己一開始唔應該咁做，好似對唔住佢男朋友。
 
不過沛珩一直係我身邊同我講野，我慢慢都有啲心軟。
 
之後去左一個類似跳蚤市場，入面有好多衫賣。
 
最後我同沛珩兩個人去行呢個市場，佢幫我揀左一件類似裇衫叫我買，白色，中間有黑色小波點。
 




我買左，亦都冇再黑面。
 
佢係咁問我咩事，我都話，冇事。
 
之後上旅遊巴上面都有拖返手。
 
之後我地返到去執定野，準備明天返香港。
 
-第七日-
 
呢一日要返香港，好唔捨得
 
亦都代表一段美好既時光終於要完結。
 
我收拾埋小小野入袋之後就準備走。




 
過去對面女仔房望下有冇啲咩野要幫手。
 
之後就一齊拎住行李一齊走。
 
搭旅遊巴，Check-in，上機。
 
我同沛珩一齊坐，拖住手咁坐，冇幾耐佢個頭放左係我膊頭上。
 
呢一刻既感覺就好似一對情侶即將要分開咁。
 
我地冇講啲咩野，佢用少少力攬住我隻手。
 
慢慢就好快落機，
 




回程時間唔短，但相處時間就好短。
 
我同沛珩連埋其他同學一齊搭機場巴士返屋企。
 
其間都係冇講啲咩野。
 
好靜，有一種離別但講不出聲既感覺。
 
好遠，有一種離別但其實相距好近既感覺。
 
返到屋企，訓左一陣。
 
訓醒見到有一個SMS，一個好長既SMS。
 
內容大概係話沛珩佢自己知道自己做錯左，但佢依然係好愛佢男朋友，希望我地係新加坡發生既事，就係新加坡完結。




 
睇完之後，個心沉一沉。
 
始終要完，要接受。
 
呢一刻諗起好多野，諗起去新加坡既美好日子，同沛珩拍拖既日子，同沛珩去玩既日子。
 
一切都要完了。
 
突然有一刻想搵人傾訴下，唔知點解我諗起阿飯，所以就打比佢。
 
同佢講有啲咁既事發生，佢都好專心聽我講野，亦都講返沛珩係好愛佢男朋友，叫我放低。
 
或者有啲時候就係要有一個人好直接話你知個結果，迫你接受。
 




我冇喊，只係覺得可惜。
 
兩個錯既時間，遇上或許對的人。