《憶海》 自從意外之後，我得到咗超能力: 第三部第六章

「秋淼而家係邊？」

「係外國。」

「外國？！」我驚訝地問「佢全家移民外國？」

思堯沒有回答，她望向窗外默默地點一點頭。

「咁急？連學期最後幾日都唔返？」





「其實唔係急唔急嘅問題，係秋淼怕見到你會唔捨得離開，咁樣就無意義啦。」

「咁移民姐，點解要同我分手？」我接收不到地說「異地戀咋嘛，我可以等佢返嚟㗎。」

「事情唔係咁簡單就解決到……如果你地繼續係埋一齊嘅話，你將要分擔好龐大嘅壓力，秋淼唔忍心睇住你受苦，亦都唔想你有一段咁痛苦嘅回憶。」思堯繼續望向窗邊，聲線也越變低沉「況且⋯⋯佢應該唔返嚟啦⋯⋯」

「你講緊啲咩呀？我完全唔明你講咩。」我完全聽不明白。

「秋淼……佢幾個月之前，被診斷患上……末期腦癌，所以佢話咁樣落去佢只會成為你嘅負累，還掂過多幾個月都要離別，倒不如係最快樂嘅時刻離開，留下最美麗嘅回憶，咁樣你就唔會因為佢而咁傷心。」思堯轉過頭來，卻不敢正視我，漸漸哽咽起來。





我整個人都愣了，畢竟這個事實實在太令人難以接受，我不懂得作出反應。

此時我腦袋就如放映片般閃過很多畫面。

輪到我們方發球時，負責發球的同學顯得戰戰兢兢十分緊張，我便走到底線旁鼓勵他。

「加油呀，唔使緊張，照平時練習咁就行㗎啦。」我鼓勵他說。

結果，他成功了發球過了網。

「做得好！」我說完便除除走回原位。

可惜對手完美地接了一傳並升好球，那個排球隊亦準備跳起扣殺。

不過，由於沒有壓腕的關係，扣殺出來的球直飛場外⋯⋯

並且，排球方向直線向著秋淼，秋淼還傻傻的不懂做反應。

我距離秋淼還有數步距離，我立即向前飛身一跳使出手槌，排球便向另一個方向飛走。

我把球扔回場內，便回頭看秋淼有沒有受傷。

她並沒有受傷，不過卻被嚇呆向後跌倒了。

「無事呀嘛，呆妹？」我拍著她的頭說。

「呀……唔該。」秋淼目光呆滯，良久才吐出兩個字。

她整塊臉毫無血色，那麼誇張的反應也嚇了我一跳。


「妳拉得好好呀，觀眾都拍晒手掌。」我走到後台跟秋淼說。

秋淼沒有什麼反應，面色蒼白。

「嘻嘻，咁就好啦⋯⋯」秋淼突然暈倒向前仆。

「啪嗒。」小提琴亦摔倒地上。

「秋淼，妳無事呀嘛？」我連忙扶著她。

「秋淼？」

「秋淼！」

但秋淼並沒有醒過來回應我。

伊利沙白醫院。

正當我在病房門前等待時，有一個中年女人朝我走過來。

「你好呀，請問你係咪劉焱煒？」中年女人問。

「係呀，妳係⋯⋯？」我疑惑地問。

「我係秋淼嘅媽媽，秋淼平時成日都提起你，真係唔該曬你幫手送秋淼嚟醫院。」秋淼母親和藹地道謝。

「你地關係好似好好咁，你地識左幾耐啦？」

「唔係呀，我同秋淼係上年先識。」

「吓……」秋淼母親若有所思地說「原來係咁。」

「秋淼⋯⋯佢無事呀嘛？」我擔心地問。

「呃⋯⋯佢啱啱醒左，都係由佢同你講好啲。」秋淼母親面有難色地說。


「緊唔緊張呀？」我把手搭在秋淼肩上說。

「有少少啦，我記得好似細細個睇過一次之後就無睇過煙花啦。」秋淼笑說。

「砰砰⋯⋯」話沒說完，第一顆煙花就在空中綻開了。

千千萬萬的煙花緊隨其後，在空中爆發。

頓時，整個天空就像畫紙般被塗上千萬種色彩，變得色彩鮮豔，令人目不暇給。

「其實我好中意煙花㗎，成個天都五顏六色真係好靚。」秋淼說。

「可惜呀……」她繼續說「煙花一閃即逝，得嗰幾秒時間，燒完就咩都無啦。」

「唔緊要呀，」我輕撫她的頭髮說「來日方長，妳想睇幾多次咪幾多次囉。」

「時間已經無多啦……」