《憶海》 自從意外之後，我得到咗超能力: 第三部第五章

突然，有人走過來，把手放在我的膊頭把我停下來。

「同學唔使擔心啦，我識得佢，由我嚟睇住就行啦，你走先啦。」那個人溫柔地對著學生說。

「哦……咁交俾你啦。」學生還是有一點擔心，不過話未說完就已經邁步離去，就像遇到一個怪人似的，頭也不回地離開。

我望向那個人的臉龐，原來是思堯。

「我正諗住嚟搵你，點知原來你嚟左呢度。」思堯沒好氣地說。





思堯？對呀！為甚麼我會忘記了？

找到秋淼最直接的方法，當然是找她的好姊妹思堯了！

「思堯！」彷彿在一片黑暗中找到一絲曙光，我興奮地捉住思堯的膊頭說「我有樣野想問你。」

「痛！」思堯痛叫一下，雙眼凌厲向我一瞪，之後就嘆氣說「唉⋯⋯我知呀，跟我嚟啦，我諗有排解釋俾你聽。」

思堯彷彿早料到我會這樣問，說完就往前走。





於是，我跟在思堯後面一直走，心裡一直躊躇是否能見到秋淼或是得到她的消息，直至到了思堯的家。

「歡迎歡迎，隨便坐。」思堯打開大門放下鑰匙說。

思堯家裡十分整潔，就像剛剛大掃除完一樣，環境十分舒適。

「點解要嚟你屋企？」我不解地問。

「其實我原本打算去公園嘅，」思堯認真地思考說「不過見完你啱啱係班房門口嘅反應，都係屋企最安全。」





「吓？」我完全不明白她的意思。

「唔好理咁多啦，快啲坐過嚟啦。」思堯坐在沙發上說。

「原本秋淼覺得唔講呢件事出嚟對大家都好，但係我覺得你此終都係佢男朋友，向你隱瞞一切對你唔係幾公平，當然對佢都一樣，所以交俾你選擇啦。」秋淼認真說道「焱煒，你係咪真係想知成件事嘅真相？」

「係！我好想知，求吓你講出嚟啦。」我迫不及待地回答。

「都係嘅，但係我就唔建議你挖得咁深……算啦，你想知道啲咩？」思堯嘆氣地說。