《憶海》 自從意外之後，我得到咗超能力: 第一部第十五章

「係啵，我突然醒起有樣野想搵你幫手呀……」秋淼突然說。

「乜野事呀？」

「其實呢……我數學唔係好明，有啲跟唔上呀……所以唔知你得閒可唔可以教吓我呢？」

「可以呀，但係點解你會嚟搵我嘅？」我好奇地問。

「因為我之前同思堯講開個陣，佢話你個腦轉數幾快所以叫我嚟搵你啵。」





不是吧，我只是記憶力好而已，讀書成績也不是特別突出。

不過只是中四程度的數學，我應該足夠應付的。

「好啦，一於交俾我啦。」我自信地笑說。

「真係？太好啦，咁我遲啲再嚟約你啦。」她露出令人難忘的純真笑容，伸出手說「勾手指尾之後就無得反悔啦。」

「唉仲細咩⋯⋯」我裝作沒好氣地說「咁大個人仲勾手指尾。」





當然我也伸出手跟她勾手指尾。

翌日回校早上時，思堯拋了一個水樽給我。

我仔細一看，原來是我原本遺失了的水樽。

「琴日我走個陣見你漏低左，所以攞返屋企， 已經幫你洗乾淨同重新斟水啦。」思堯說。

「原來係你度，我仲以為唔見左添，唔該晒你啵。」我鬆了一口氣說。





這一天，我和秋淼相約課後在有蓋操場幫她補習。

當我來到時，她已經十分努力地埋頭工作。

我低頭一看，原來她正在做數學功課。

「唔應該咁做，應該計左佢地兩個之間嘅比例先。」我指著練習簿上其中一題說。

「係啵，原來係咁，唔怪得之做咁耐都計唔到啦。」她晃然大悟說。

我再細看練習簿其他題目，發現她很多題目都做錯了。

「睇嚟你係時候要溫吓書。」我笑說。

「哼，邊個話我無溫喎。」她不服氣道：「我只不過係溫極都唔識姐。」





「同學睇嚟需要成份功課再做過，使唔使專業人士幫手？」我自信地拍著胸口說。

「梗係需要啦，所以我先搵你幫手嚟教我。」她笑說。

「助人為快樂之本呀嘛，我咁好人成日都會幫助有需要嘅人。」

「咁呀專業人士補習使唔使學費㗎？」

「唔使啦，妳請我食嘢就行㗎啦。」我想了一會答

「淨係掛住食，遲早肥到成隻豬咁呀。」她裝著沒好氣說。

「豬又點喎，夠聰明咪行囉。」我反駁道。





「無你咁好氣，野食下次先啦，睇下你教成點先再決定。」她奸笑說。

但是，傻傻的秋淼真是把我氣得要吐血似的⋯⋯ 

她從小學數學課根本沒有上課吧？我心想著。

有時候她連普通的加減乘除都會算錯。

但是，但她發現自己算錯，然後吐吐舌頭的樣子，那份傻氣又會為她添上幾分可愛。

其後的日子，也沒有什麼特別事發生，過著日復一日的上學生活，有時候放學秋淼會來找我溫習數學，她還真是一個勤學的學
生。