《憶海》 自從意外之後，我得到咗超能力: 第一部第十四章

 在颯颯的秋風下，放學後的音樂室十分寧靜，除了從籃球場傳來熱血的叫喊聲，就只有秋風吹過樹葉的聲音。

秋淼徐徐拿起小提琴和弓。

突然，一陣幽怨的音樂除除奏起。在我眼前的音樂室慢慢變成了一個幽靜的森林，整個森林都被白霧籠罩著，從月光的映照下依稀見到一個身穿白色連身裙的少女拉著小提琴。

少女毫不理會身邊任何事物，專心致志在她的小提琴上。

看著白淨柔嫩的臉蛋，我一看就知道那女孩正是秋淼。悅耳動人的樂聲，令人陶醉的環境，對我來說一切都只是陪襯。





真正令我著迷是少女清秀的臉龐，亮麗清秀的身影，芬香撲鼻的氣味，她每一下揮弓都令我神魂顛倒。我現在只想時光永遠停留在這一刻…

突然額頭一痛，待我回過神來眼前已經變回音樂室，秋淼一手拿著小提琴，一手在彈我的額頭，鼓著泡腮的樣子十分可愛。

「劉焱煒同學，點解你會係度呢？仲要成個變態佬咁係音樂室出面偷睇我！快啲講你眼金金咁望緊啲咩！」她扮生氣地說。

「我⋯⋯我無望啲咩野呀，我陶醉緊係妳既音樂喳嘛。」我連忙道。

「唔好轉移話題呀！點解你會係度？」秋淼笑著說。





「我漏左水樽係學校，咪返嚟搵囉！諗住走個陣突然聽到好好聽嘅音樂，所以咪過嚟拜會吓係邊個高手可以演奏出咁悅耳動聽嘅音樂囉，跟住發現原來係你，但係就被你嘅音樂迷倒左，跟住就去到而家啦。」我也只好道出事實的真相。

「都唔知有幾多係真。」秋淼甜笑。

「係呢，咁點解你放學又會係音樂室嘅？仲要係度拉小提琴。」我好奇地問。

「我遲啲要參加音樂節比賽呀，所以咪叫音樂老師嚟指導吓我囉，咁音樂老師走左之後我又打算難得有音樂室用，咪留低自己練習多一陣先囉。」秋淼說「咁你覺得我拉成點呀？」

「我唔識咁多啵……我覺得拉得好好聽囉。」 





「衰人！認真少少得唔得呀，乜你啲評語咁求其㗎⋯…」她用一隻手打著我的胸口。

「玩音樂使咩理其他人評語啦，總之妳比賽裡面拉成點係我心目中都係冠軍。」我笑說。

「信住你先啦⋯」她雙頰頓時變得羞紅

「信就執野啦，一齊返屋企啦好唔好？」我摸著她的頭說。

「唔得啵，都話難得有音樂室用梗係練多一陣先啦。」秋淼調皮地說「一係你坐係度聽多一陣先啦。」

之後，她就很忘我地繼續練習。

大約一小時後，我們就收拾東西回家。