《憶海》 自從意外之後，我得到咗超能力: 第一部第十六章

這一天放學，秋淼如常約了我到學校飯堂去溫習數學。

我收拾好書包後，便慢慢地走到地下的飯堂。

秋淼比我更早到了，坐在一張長椅上望著風景等我。

「咁早嘅？」我坐在旁邊，並用竹籤從桌上的紙杯拮了一粒魚蛋放入口中。

「學生梗係要早過老師到啦。」秋淼說笑道。





「之前仲係妳徒弟，幾時升級變咗做妳老師？」我笑說。

接著，我們便開始打開數學課本溫習。

午後放學的空氣特別清新，陽光斜照入飯堂，加上旁邊排球場和籃球場傳來熱血的叫喊聲，整個環境都給我一種悠
閒和舒服的感覺。

我們溫習的方式就是秋淼問我課堂上不明白的內容，待我詳細解析後她便開始做練習，如果有不懂的地方再問我。

隨著秋淼間中找我去溫習，她的數學越來越有進步，起碼會懂做基本的題目，只是有時候遇到刁鑽的題目才問我。





因此，我由全時間看著她做數慢慢變得有空閒的時間去做自己的事情，例如看書、做功課或者⋯⋯發呆。

就這樣平靜地度過兩個小時。

「焱煒⋯⋯第十七題點做呀？」秋淼拍著我的膊頭問。

「喂⋯⋯妳有無聽我講野㗎？」她戳一戳我的臉頰。

這樣我才從發呆中醒過來。





「你係咪嚟教我數學㗎，收咗學費係度偷懶。」她叉著腰裝憤怒道。 

「得得得而家教，邊度唔識呀？」我立即提起精神教，否則我遲早給人解僱。
  
「唉，點解你成日發呆都可以咁聰明㗎？」她嘆氣問。

「第一，聰明同發呆兩樣嘢係無直接關係。」我解釋道。

「第二，我其實唔聰明，係⋯⋯妳蠢姐。」我笑說。

「哼，衰人。」她不斷打我的手臂。

由於秋淼經過不斷的練習後進步了很多，所以很快地她便完成全部練習。





「嗱，做完啦。」她遞本練習本給我。

看著她的練習簿，差不多全都做對，雖然嚴重超時，但總算有進步吧。

「叻女喎，差唔多啱晒。」我摸她的頭讚賞著。

「真㗎？咁我今次測驗一定可以合格啦。」她興奮地說。

「嗱，見你咁叻獎勵妳嘅。」我戳一粒魚蛋喂秋淼。

「乜你咁孤寒㗎。」她鼓起泡腮說「呀⋯⋯好味。」

「如果你考試真係有進步嘅話，我再送禮物獎勵你呀。」我摸著她的頭說。

「係咪真係㗎？」她興奮地說「勾手指尾。」





「又嚟？」我笑說「好啦。」

我倆再次伸出手勾手指尾。