She's out of my life (真人真事!): 12
and then 佢不斷口up up話自己差一單案就可以升,話死都要告入我咁話
我眼見自己都叫合合作作,就係佢帶我去另一間房錄口供果陣低頭認下衰仔睇可唔可以放我一馬
:我聽erica講話佢已經銷左案,咁其實點解仲要搞咁多野? 
:話銷就銷阿?刑事案黎架咼,你聽佢吹水阿? :佢話秀茂坪果邊d差人係咁同佢講,話搞清楚件事去銷案就得 :一定唔得,你聽佢地9up :咁阿sir你比次機會我好無? :告你果個呢,就已經再唔係erica,告唔告就我決定,告唔告都得,不過我就實告硬你 頂,唔係有人做過手腳黎掛,搞乜個差老好似收左錢咁款,
好啦,錄完口供,搞左好耐之後,佢就話要開車帶埋我番去同屋企睇下仲有無閃卡放電腦
下?原來搞咁撚多野都係要番屋企架?,唉今次仆街了
呢半年我屋企都唔番多幾次,難得唔係星期日番屋企,一番就要帶住2個差人+鎖手扣
實嚇死屋企人,好啦,全程佢地聊我吹水,我都唔出聲唔想講咁多野
去到屋企,我阿媽見到我後面有個2大人都嚇到問咩事
然後佢老講晒所有野之後,我竟然見到我老豆係房行埋出黎
頂.平時佢邊有咁早番.今日難得早番黎抖下我呢個pk仔又搞咁大件事出黎
我老母嚇到想暈咁濟,我老豆個樣真係失望到
仆街我真係無地自容
好啦,然後佢話要睇電腦,我心諗,頂,如果佢搵到,又要成部腦搬去差館,咁撚煩,同佢講舊果部電腦壞左先
咁我就叫佢入我房查我部新電腦,
我屌,原來驚左一輪都係無撚用
佢根本唔識用電腦,係我個快捷欄果邊有咩就禁咩,又war3,又勁舞,又開幾隻online game出黎
然後佢話,"屌,乜撚都無ge,我地番去"
係我走果陣,我睇住我阿爸攬住我阿媽叫佢唔好喊果個畫面,我真心覺得自己好撚對唔住屋企人咁係番到差館之後佢就話要做手續入覊留室,雖然差館唔係第一次去,但覊留室聽落好似有d恐佈咁
無記錯就係去打下手印,拎住塊板影相咁樣,然後我就係出面等比人拉入去
咁係入去之前,佢會要求搜你身一次,怕你會帶d咩入去自殺
最on9係,連我新買條短褲入面腰果條繩都要剪左去,佢話怕會用黎上吊咼
不過都無得say no,照比佢剪
好啦入到去,哇我頂你個肺,間房大到嚇死人,btw係乜都無,得一個開放式廁所,仲要無水沖手
我心諗無緊要啦,佢地話留一陣有人黎保釋就出得去,(係呢度提一提,我真係唔撚知d保釋金係點樣定,
個仆街蔡國強本身同我講500,然後叫我打去搵屋企人,咁我就打比表姐,點知到我同表姐講講下,
佢無啦啦大聲講話依家要加到5000,我真吊佢老母,完全無原因,不過我表姐話最緊要我唔洗係入面
捱,所以就算12點幾都搭車出黎保我)
好啦,到我表姐黎左,咁我都出去出面見我表姐,係呢個時候有個阿sir又話唔保得住,佢話上頭味有指示
下?但係個仆街話5000就得架咼,點知佢又話佢根本唔可以話事,所以又叫我表哥表姐等到有提示為止,
就係咁我又入番去坐,大概到2點幾啦,又叫我出去,今次竟然同我講話上頭唔批,所以叫我表哥表姐走
我真係仆佢個街,提一大論野又話唔比走,咁做乜要我叫人帶錢黎保我出去,根本就玩鳩緊我,
我就唔知點解好地地無前科第一次入黎比人玩成咁,唔知有無人做過手腳黎
咁又比人捉番入去,佢又同我講話等到聽朝佢地番工就會開始批番
所以最多都係訓一晚,
ok,算,我都無野好講,唯有入去訓
果一晚我真係完全訓唔著,好多野諗
搞乜鳩我一個sms仔會搞到件事咁大,做乜佢會唔諗後果就去報警,之後又話怕我出事先去銷案
點解會咁兒戲,又諗依家屋企人實嚇死都似,我阿妹仲分分鐘會打去鬧死erica...
又諗緊erica依家到底有無擔心過我......日日慣左對住佢,依家就自己一個on99訓係間大到仆街ge房,,
都咪話唔得人驚
都成4點幾,諗到咁上下終於覺得累,訓醒就出得去,就訓啦
仆街點知原來到6點鐘就會有個阿sir拍閘講早晨
我真係頂佢個肺,早乜撚野晨,比佢嘈一嘈又訓唔番
然後派早餐,係火腿通,其實味道唔錯架,所以我好快手就食晒
結果等下又等,等下又等,終於等到12點幾,我諗d阿sir都差唔多番工掛
結果有個阿sir又同我講果隊人番4點,結果又要等
等到4點,果個阿sir又同我講果隊人出左差,應該又要等多日
我吊!仆街又講大話水鳩我
咁我又死死氣番去訓,不過我記得,頂多都係留我48個鐘,唯有又等下
我記得呢一晚我真係唔開心到不得了
我開始悶到將道牆當係erica咁傾計,傾傾下自己喊左出黎
我好記得我係咁傾係咁喊,喊左三五七個鐘都無人理
又諗下出到去仲搵唔搵erica好,我諗只要我開聲搵番佢先,佢應該都唔會再唔好意思搵我
其實你問我嬲唔嬲erica,我會答你無,點解?
可能我真係太錫佢,我到依家佢做錯任何野我都會幫佢搵藉口,根本就嬲佢唔落
係呢個時候,有2個人都比人拉左入黎同我同房
一個就幾型仔幾大隻,個樣就二十幾歲,但一問之下原來3十尾
一個就同我差唔多,似19,18,以下一個叫a,一個叫b
起初佢地2個自己係另一邊傾計,然後到派晚飯果陣,因為我近門口,所以就幫手拎飯比佢地
然後就大家傾左幾句,佢問我衰咩,我就一五一十同佢地講,佢地當場屌左一聲
話點解咁小事都要入黎,仲要坐左十幾二十個鐘,而我又有好多野唔明,所以就請教佢地2個
佢地2個叫我不如打個電話同屋企人講聲先,咁我就叫個差婆入黎
差婆=
我= a=
:做乜撚野? 我即刻絕晒望,估唔到女ge都係句句粗口
=我想打一打比屋企人 :打乜撚野?你坐緊監你知唔知,打打打,唔撚洗入黎就唔洗打啦,無撚得你打阿 咁果2個其中一個人即刻睇唔過眼大大聲聲鬧佢
:你兇乜野?依家只係拘留.邊個話定左罪? 洗唔洗咁惡對個後生仔?你知唔知我有權搵律師告你?我都要打,咁你比唔比我2個打?
:咁咪比你地出黎打囉 :你唔洗驚,只要我係度我都唔會比佢地恰你 :
多謝你咁我地出到去打電話,就阿a打先
a=
死差婆= 咁阿a就打比佢女友講下自己比人拉左,叫佢唔洗擔心
當中味免有d甜密說話tum下佢女友
係呢個時候個差婆突然開聲小阿a
:喂,你講乜野,講埋d無聊野就即刻同我收線! :你真係要我收線?我一收線就打比我律師架勒
:咁......咁你講多陣好勒 我係後面笑到哈哈聲
然後到我打, 我=
我阿媽= :阿媽,係我 :(即刻喊)你點阿你,我好擔心你 :你唔好喊啦,我諗無事掛,佢話坐埋今晚聽日就會上庭.. :下,咁大件事 (喊唔停 :好啦,我要收線入番去勒 :佢地比唔比我探你架,我想拎d衫比你換 :我唔知,我收線勒,拜拜 我講完個電話之後真係好想喊,我阿媽喊到講野走晒音
果刻我先醒起自己真係好仆街,出左事咁耐都係諗住erica,無諗過個妹同屋企人
番到入去,阿a同阿b見到我sad到爆炸,就同我傾下計
我=
a= b=
:後生仔,無事ge,上到庭唔認罪就有得保釋出黎待審架勒 :唔係咼,有機會判佢入荔枝角等拎報告候判架咼 :荔枝角?入去好慘架? :要剃頭通櫃架咼 :下, :屌你咪嚇佢啦,咁撚小事洗唔洗通櫃,不過剃頭就......睇你叫你剃頭仲慘過死咼 :係阿頂, (我好錫住自己個髮形
) :我諗你咁小事無野掛.... 然後我就問左好多上庭ge野,因為我完全唔識(你地有問題都可以問我,我依家都叫識識地)
然後無耐佢地就保釋得出去lu,係呢個時候我就叫阿a出到去打比我細妹,叫我細妹搵下erica睇下有無野
幫到手,最後阿a真係有幫我搵阿妹,不過我阿妹就死都唔肯打比erica,因為佢已經當佢係仇人咁睇
係佢地走左之後,我阿媽都黎到差館
可惜佢地就唔比家人探我,結果就拎左條西褲shirt衫比我換,出奇地咁岩身(事後我問番阿媽,原來佢完全無
比尺碼我表哥,就叫我表哥去買一套比我,都無諗過會咁岩身)
家人走左之後我又開始on99無野做坐係到等天光,呢個時候又諗起阿媽d喊聲
自己都忍唔住喊左出黎,而且都好擔心聽日唔知洗唔洗判入去候審,你叫我點訓得落
果日就早係訓唔著架勒,結果到到第2朝6點幾,如常比個差人拍下闡,
食埋最後一個火腿通,就安心上路,咁出到去要用手扣一個鎖住一個,然後排住隊咁上警車去法庭
可能真係太耐無見過陽光,大大話話成60個鐘無見過太陽(係呢度提一提,法例講明唔可以困人係差館
多過48小時,咁我又何來60個鐘?話說夠47個鐘果時我比蔡國強叫出去,然後叫我簽紙上庭,再掉番我
入去臭格坐多13個鐘左右,所以前前後後就60個鐘,條法例根本fail)
咁上到警車果種心情真係幾緊張,第一次上法庭,個腦即刻好多電視劇果d畫面浮現晒出黎...
好勒,到左法庭,然後我地就落車,之後跟住d差老行,行下行下就去到個監房咁ge地方,呢到就光猛d
同埋手扣都解開晒,大家都係等見法援d律師,呢個時候我真係驚撚死
有d吸毒吸到已經唔係人咁ge樣,牙堅係純黃色,個頭d油多到炸野都得,隻眼又黃又黑,好得人驚
有d就個樣惡到爆炸,好似隨時要打人咁,
不過都有正常人,有2個大陸人就係咁係度吹水,講下講下其中一個係度喊
原來佢本身係大陸住,但屋企因為水災無左,結果就單身一支公落黎打黑工賺錢寄番去比老婆仔女
當然係比差人捉左過黎啦,然後我又見到2個後生仔,心諗應該傾到計,就走過去同佢地一齊坐