She's out of my life (真人真事!): 13
咁佢地分別叫阿龍同阿俊
阿俊=
阿龍=
我=
:我坐係度得架何? :得,當然得 :呢次無架勒,睇死我同你都要坐番三十年先出到黎 :下?多口問句,你地做咩黎? :我地做運輸ge :下?做運輸都30年?衰咩咁嚴重? :運毒...仲要好多...今次比人斷到正 :原來係咁.... :細路你又衰咩? :刑事恐嚇 :你嚇邊個? :前女友掛... :件事係點?反正有排等,你講黎聽下 :$!#!$!$!$!#$!$!(我講晒佢地知) :哇我吊你,乜依家咁都可以搞到刑事咁大單野架咩? :係真唔係阿,你吹水架? :無阿,我都無諗過會發展成咁 :明顯條仔洗錢玩鳩你啦,咁我成日都話要吊人老母,咁我又刑恐勒咼? :o靚仔玩泥沙 :刑事啦.你就泥沙,炸彈勒 :
你地話我會唔會判得好重阿拿? :刑事咼,可大可小架.... :我就唔信勒,睇你個樣之前都無衰過架啦,多數d官見你第一次,又肯認罪,都會輕判架 :唯有係咁啦 然後我地就被安排去見法援d律師,等下又等,等下又等,終於到我
咁我入去之前心諗d律師一定好pro好專業,至少有個樣先
結果我入到去,哇我吊你,成on9仔咁,不過算,讀得書果d太多數都係呢d野,我諗佢實有d料
結果.........
=律師 =我 :依家警方就告你刑事恐嚇同埋意圖在網上發放淫照,你諗住認定唔認罪? :下?咩淫照?erica果時已經同警方講清楚番係佢誤會左,同埋警方話只係告我刑恐炸咼 :我唔知,總之依家紙上面就咁寫住 :咁我應該點做好
:就咁,一係認罪,一係就唔認,一係就認一半,唔認一半 :咁有咩分別? :認呢,就多數即判,我估就案底+坐番一年左右 :咁我實唔認 :咁唔認呢,就多數收你去坐番14日等報告再判 :無得保釋架? :無 呢個時候我真係完全唔識決擇.....結果佢叫我出去坐多陣諗下點先再入黎講
結果我等下又等,等下又等,最後都係決定認罪...仲要係認晒佢算,希望個官feel到我有心改...
咁我地成班人就上晒去法庭果層,係出面ge一個監房坐住等上庭
係呢個時候有個人上完出番黎,結果佢可以保釋候審,有人就多口問佢咩事
原來佢比佢個同居左7年ge女朋友告佢強姦,好明顯告唔入,所以比佢保釋出去候查
佢走之前仲派晒佢果一大包花生m&m,真係好好味,好耐無食過朱古力
等下又等,等下又等,終於到阿龍同阿俊入去,出番黎之後,我就緊係問佢地點,結果佢地話要去番荔枝角坐番
30日再判,(由於佢地去過好多次,所以入面識好多人+唔洗剃頭通櫃),然後阿龍同我講話入面有個後生女身
邊有好多人,會唔會係erica,大老阿!我都唔知點面對erica好,之前就好想見,估唔到要係法庭見佢,不過我記
得今日係al放榜,照計佢唔得閒黎
然後佢地都係要落番臭格等齊人先
出車番去,跟住到個阿叉入去,佢好似話衰傷人,佢成身d衫都係血.好得人驚.佢入左去好撚耐,成個鐘都有
結果到左12:00,要休庭放飯,我同大陸仔就落番去臭格倉lunch
咁食飯果陣就同個大陸佬傾左幾句,先發現原來佢老婆仔女係上面,怕今次出唔番去要坐佢兩母子唔知點算
就同我講如果我出到去,就幫佢打電話叫佢大佬搵佢老婆講拿拿聲退租唔好比包租公屈錢....
我當然應承左佢,如果我真係咁好命出到去,無理由唔幫呢班睇住我ge人
咁大概1330,由於已經係下午,所以就換左個當值律師,所以又要再去見多次
結果我入到去,哇,呢個律師比我第一個感覺就係超pro,有樣有料,佢叫馬大律師,係個女人黎
馬大律師=
我= :我就睇過你呢件案,亦知道你話淫照果邊你無做過同無講過,我勸你呢方面可以向警方申請多 次取消呢條控罪
:下?乜可以咁架?岩岩果個又話唔認罪會死得快d ge :無做過點解要認,唔好咁蠢,你見之前藝人單野都搞到咁大,依家法庭對呢類型case會判得重d :多謝你比意見我阿 :但你個sms就走唔甩架勒,不過你知唔知當事人幫你寫左求情信 下?唔係掛?求情信?erica竟然幫我寫求情信?
:我可唔可以睇下...... :當然可以 我一睇之下,差d想喊出黎,佢信中寫到話當日無好好處理件事,係自己處理不當所以先令我咁衝動,
總之就係大家都有錯,唔應該怪晒我,叫法官比次機會我,老實講我真係無諗過佢會寫信比我.
:佢竟然寫信比我.......... :你算好彩,好少原告人會幫被告人寫求情信,加上你又無前科,小提琴又8級,應該有一定修養, 個官會明白你只係後生仔一時衝動,你一陣誠懇d就應該無事
:多謝你阿,我真係好多謝你咁幫我 同埋我可唔可以請你幫我同個官我就算要候審,都比我保釋出去 先,我阿媽成個星期無見我就黎喊到死
:ok,我會盡力幫你,唔洗咁驚,記得應承我出得到去做番個好人 :知道 咁都就黎要上庭,我同大陸仔就上番去法庭果層等開庭
(順便一提,個大陸仔好似係衰不誠實交易,聽似係話幫人買車呃訂金,仲要有差唔多ge前科,所以
應該都走唔甩,要坐番幾年)
咁係開庭之前,就有個姐姐出黎同我講,部手機呢,法庭就要充公,咁其實呢樣我預左,我就話我知道,
佢就問我洗唔洗留sim卡/記億卡果d,咁我就簡左留sim卡,原因係我唔想無晒d電話
係呢個時候馬大律師都走埋出黎同我講,相果邊警方已經撒消左控罪,我個心都即刻定番d
好勒,終於要入去,入去果下我第一樣野驚就係要面對erica............
一入到去,可能我係最尾一場,真係唔多人係度,但一望埋去真係有個女仔身邊有成班人...
原來果個女仔只係我細妹,身邊就係我阿媽,表哥,但竟然會有幾個朋友係度,點解佢地會知我出左事
ge
值得一提就係阿聰都係度,我好撚感動
咁就開始審訊,全程我聽到馬大律師真係好比心機咁幫我求情,最後個官都同意比我保釋出去候查.
你地一定估唔到上庭都有笑料,咁果個姐姐就同法官講,被告人要求拎番張sim卡,因為唔想無左d電話,
個官竟然答佢:sim卡可以save相架咼,呢方面等警方檢查完無問題再歸還"
頂我真係差d笑撚左出黎,sim卡都可以save野,咁save卡又用黎做乜野
咁我以為一個笑料就完,當個官就判我宵禁果陣,佢又發功
=法官 =我 :你有無睇波阿? :下...有 :咁你呢幾日唔好借d而落街睇波勒 :嗯 :你有無裝有線阿? :無 :咁你點睇世界杯? :我上網睇 :幾好阿,上網睇波好阿 頂!,我講完先記得上網睇波係犯法,但勢估唔到個官竟然讚好,我真係好撚想笑出黎,不過我唔可以咁做
咁我就落番去臭格等保釋紙批過黎(順便一提,我依家先和原來保釋金係可以拎得番
) 咁落到去見番晒佢地成班人,太陸仔阿
,阿龍 ,阿俊 :點阿你,無事阿麻 :我地幾個都係度講緊你有無事 :無事阿,可以比我保釋出去阿 :咁咪好囉,終於有個走到,仲有阿,你要記住,有案底唔代表你呢世就玩完,比心機做人啦,捱過呢3年 案底就會過左時效
:知道!佢仲判左我宵禁,sad :洗乜理阿,總之你出夜街唔好比人查到身份証就得,老感果邊可以飛線/唔聽之後解釋架麻 :又係咼 :依家你都出到去,可唔可以幫我同阿俊做d野 :無問題,講 :呢到有2個電話,分別係我同佢ge女朋友,幫我地同佢地講,叫佢帶幾條煙入去荔枝角 (呢度又提一提,佢地帶煙入去唔係自己食,係入去換野,佢地話果度煙就當錢咁用,即係例如一包
煙換雜誌+朱古力咁樣),佢地會明架勒
:記得阿,最好加多句好掛住你啦 :我一出到去就即刻會打! 無耐就有個阿sir過黎叫我保釋出去,就係咁我就同佢地道別,亦係最後一面lu.........
咁我就出去搞埋d手續,然後拎番晒當日比差人拉果陣放低ge隨身物品,就出去搵屋企人
我阿媽一見到我想喊咁濟,我阿妹見到我出番黎就好開心,阿聰仲即刻關心我....我表哥都感動都喊埋出黎
果刻我覺得原來我身邊仲有好多人....點解上年只係著眼放落一個女仔身上
然後我地就搭車番屋企......搭車途中我即刻打比佢地2個女朋友,結果好一致,2個都即刻喊出黎,
我希望佢地幾個依家過得好地地無事發生啦
哇,一番到屋企,我即刻沖涼,成3,4日無沖過涼咁濟,沖完果下真係爽到跳舞.
我阿媽就即刻煮野比我食,咁我比人拉左無消息咁多日,依家番黎,就緊係上msn同fb報報平安先
咁我第一時間就login我msn,哇我吊你,做乜鳩會話我pw錯,算,一陣再搞,拿拿聲上facebook先
(其實果陣個心係好想賺erica呢幾日點樣,即係係fb做過d咩)
哇吊你x2,又錯pw?根本無可能,我d pw全部一樣,唔會有第2個,咁即係有人做過手腳啦
算,我禁忘記密碼,咁佢就話sd左封重置pw ge信去我備用果個yahoo e-mail
咁我又login yahoo,哇吊你x3,又錯?邊撚度有可能咁西利,3穿1都中撚埋
果下真係我心狂怒
好左我d安全問題全部都一鳩樣,所以就慢慢咁搵番晒所有pw,首先就搵番個yahoo,然後就msn,最後先
facebook,咁我就順手睇埋呢個十年都唔開ge yahoo e-mail入面有d咩,結果就見到一封改完密碼ge確認信
(仆街,岩先打開就check多次,結果我yahoo個pw又比人改過黎,拎番個pw又見到自己11月30號又收到封
重置msn pw ge信件,咩料
) 改我pw果個日期係係我入去坐果幾日,明顯有人做過手腳黎,我第一時間就諗係erica咁做
所以就即刻facebook sd個msg比佢,但我sd完先記得,個官話過呢14日係唔可以去搵証人(由於erica唔再係
原告人,所以變左警方ge証人),否則就立即要坐,估唔到我又再一次玩命,不過算,應該無下次
雖然話有d覺悟覺得身邊ge人好重要,但一番到屋企,又望下個日曆,哇吊你
只係短短一個星期做乜會變成咁,好似發緊夢咁,又好自然禁下佢msn,結果又睇番以前d對話記錄,
....明明好地地,做乜會變得咁誇張,最後諗諗下成個腦又係得佢一個 然後醒起erica今日放榜,其實我真係好擔心,而且erica今日一定會諗起我
我將佢成個study leave破壞晒,過埋晒d又hea又荒淫ge生活,完全無比過時間佢溫書
今日佢一見到個成績一定想殺撚死我,所以我都係得個驚字
突然醒起阿H,就拿拿聲問佢erica考成點
結果佢話無乜人知erica考成點,而且佢仲同我傾下自己成績麻麻同選科問題
可能佢成績麻麻心情都唔多好,我傾都唔係話傾左好多野
咁呢一晚終於有得係番自己張床訓,果下真係覺得自己張床好舒服
一訓落去果下就不自覺咁諗起以前晚晚同erica傾電話傾到3,4點
果下個腦真係裝左屎,我諗多2諗就出去拎個免提用133打去erica手提
:喂 :我出番黎勒,你知唔知 :你邊個 :係我阿,你唔記得勒? :妖,好心你收線啦,我唔想同你傾 :喂,你咁惡做乜,我想打黎問下你今日考成點姐 :我唔想再傾,掰掰 然後佢就cut左我線,果下我真係嬲到仆街,我比你搞到咁樣,我仲要去擔心你,結果又一大盤屎咁倒埋黎
比少少沙糖我都得掛
然後我就係度諗....到底有咩方法可以令erica肯好好地同我傾番計,做下朋友都好
已經完全無視左法官果個警告,就係咁我就開始玩命
(可能打得慢少少,因為我不斷開緊facebook,msn,e-mail睇番d資料再跟番日期打落去)
咁個日期就去到7月1號
呢一日我7點就醒左,可能仲慣左係差館坐果陣,多數呢個鐘數食早餐
我真係無晒心機打,我直接copy我係msn sd左d咩比佢
"you really hurt me so bad,我真係有心想企番起身,依家又痛過..."
"我好掛住你係到唱bonamana.."
我都佢知實唔會覆我,結果我成日就用晒d時間黎9loop信長,
大概去到6點幾,成班fd知我無事就黎我屋企探我同陪我打牌,雖然佢地好努力咁tum我開心
但我個腦仲係得erica一個人
....係呢個時候我又忍唔住msn佢 "um.how are you..just ask hai.. i am playing 麻雀only,唔好講番我搵過你,都係果句,你見到唔想覆, 比1點我就ok.."
我地一路打一路打,大概去到10點幾啦,msn有人叫我就去睇下
下!竟然係erica!但佢真係就咁比一點我
老實講,呢一點真係夠我開心番幾日,終於肯理我,即係仲有轉機
然後等d fd走晒,4點幾果陣我就同佢講左一段野:
"突然醒起有包小老板係你到(零食黎,我同佢都鐘意食都顛咁濟,試過因為呢樣野嘈交)你差住我先咼,以後
做番朋友再還比我! 記得比番一點我haha 我今日本身輸錢,不過阿妹玩完就贏番lu! 海盜砌左個頭炸,遲下
放上fb你記得睇咼! 我每日都係打完今日搞過咩你聽就算,你睇完比番一點我咁我就心滿意足=p just fd ,
don't think too much!"
然後我就去訓了