【王道】《我每晚都會發畀阿哥追殺嘅惡夢》: 第六章————咖啡店
在回程的路上，我在whatsapp群組中把得到的情報告訴他們，
「神秘男人？你係咪得罪過d咩人呀？ 下午 1:02 」Marla問。
「係囉，可能你太樣衰，人地睇你唔順眼呢？下午 1:03」Gary又開始他的賤嘴。
「冇可能掛...我平時都冇乜點同人接觸嘅 下午 1:04」
我在輸入途中突然想起，
「會唔會...係Hugo？下午 1:04」
「係喎，佢之前都試過喺你夢到出現 下午 1:05」Gary附上一張樹熊口咬樹葉抱著樹幹的圖，圖中有四隻大字，唔撚係掛。
「我地星期一再搵佢問個明白啦！下午 1:06」我說。
阿橙傳來一則訊息，
「係呢，咁你份工點呀？下午 1:10」
我看到這則訊息時，差點嚇得把手機摔在地上，手一邊發抖一邊回覆，
「佢地都係炒咗我呀，結果冇改變到 下午 1:12」
「咁你點算，有冇諗住搵份新工呀？下午 1:14」Marla傳送了一個驚訝的表情符號給我。
「um...都唔知去邊到搵新工好...下午 1:15」
「你會唔會有興趣試下返coffee shop？我返工呢邊都請緊人 下午 1:16」
coffee shop？
可以跟Marla一起打工？
比起那份沉悶的搬貨工作，這絕對是我夢寐以求的事！
「好呀，幾時可以見工？下午 1:16」
「你聽日過嚟啦，我而家send個地址畀你 下午 1:16 」Marla傳送了一個微笑的表情符號給我。
真期待明天！
我回到家中，找點東西作為午飯，父母大部份時間都在外工作，除了他們上班時會煮點早餐給我之外，其餘時間都要自行解決膳食，無論在外面還是家裡，都難免感到孤單寂寞。
「不如趁得閒記低而家知道有關於夢嘅事..」
我打開一本未曾用過的筆記本，寫下我暫時知道的規則。
1. 在特定條件下，夢可以與其他人相連。
2. 在夢中殺死對方，殺人者可以奪取被殺者的某樣東西。
3. 不同的殺人方法可能達到不同效果（有待確認）
4. 一定要親手殺死對方才能得到奪取的效果（有待確認）
5. 增加想像力可以影響在夢中的戰鬥能力（有待確認）
暫時知道的只有這些...如果可以找到那個神秘男人，就可以知道更多的情報。
說不定他就是令我發這種惡夢的人...
我蓋上筆記本，嘆了一口氣。
自從其他人開始出現後，哥哥就沒再在夢中追殺我。
「唔知呀哥仲會唔會係夢到再出現。」
他沒有追殺我反而有種落寞的感覺。
看一看手錶，下午3時05分。
這手錶是哥哥送給我的禮物，想不到一戴就戴了這麼多年。
我腦海裡冒出了以往的回憶，
「細佬，你做咩匿喺到喊呀？」
那年，我還年幼，在家中的某個角落，正躲起來偷偷哭泣的我。
被哥哥發現了，
「嗚....我...好掛住爸爸媽咪....」我泣不成聲。
「嗱，送樣嘢畀你。」
哥哥拿出一個方形盒子，把它送給了我，
我好奇地打開了盒子，是一隻全新的精工錶。
「細佬，你聽住喇。」
哥哥指著手錶說，
「當隻錶嘅指針轉咗１圈嘅時候，你仲未抹乾你面上嘅眼淚，咁連我都會消失架喇！」
「我... 我唔喊喇，你唔好走啦！」我馬上收起眼淚。
「咁你要記住，以後每一次跌低，想喊嘅嗰陣，就望一望隻錶，諗返起呢一刻你只係用咗指針嘅１圈就可以唔喊嘅勇氣。」哥哥摸了摸我的頭，露出一個溫暖的笑容。
這是我小時候對哥哥依稀的印象，但這句說話直到現在我仍然銘記於心。
這晚哥哥也是沒有出現。
我伸一伸懶腰，
「嗯，今日要去Marla到見工！」
穿起通常在重要場合才出現的有領襯衣，卡其色的窄身長褲，配合一雙經典的NB球鞋，我對著鏡子欣賞自己的帥氣外型。
「做咩呀？去溝女呀？你老豆當年都係咁著嚟同我去街架。」老媽冷不防的出現在我房門前。
「做咩喺到偷睇我！都同你講咗要敲門先好入嚟！」我帶著怒氣就走出門口，真是的。
我查看手機的地址，
「應該就係前面轉左.... 」
Marla打工的地方在一條寂靜的巷子裡，這裡和市區都有點距離，在前往的途中也不見幾個人影，如果發生甚麼意外就叫天不應，叫地不聞了。
我走進店內，裡面裝修骨子，燈光柔和，空氣間漂浮著烘焙咖啡豆的香氣。
有數張木製的小圓桌和椅，桌上有不同的花瓶作為裝飾，牆上有不少吉卜力的擺設。
「歡迎光臨。」招待我的是位留著亮麗黑色長髮的姐姐，她有一雙優雅的眼神，帶著敏慧氣質，臉上的淡妝就好比一朵茱莉花，如此雅致平淡。
「呃... 我係Marla介紹嚟見工架...」
「喔～原來就係你，你跟我過嚟啦。」
我跟著她走到了員工休息室，雖然店內正播放能令人放鬆的千與千尋—いのちの名前，但我的心情仍然是驚慌不定，因為我對咖啡一竅不通，不知能否通過面試。
「嗱，呢套係你嘅制服，試下啱唔啱身啦。」她拿了一套新的員工制服給我。
「吓？唔係要見工咩？我對咖啡....」
「得啦，有邊個一開始就咩都識架，我會叫Marla好好咁教你架喇！」她露出一個似乎知道些甚麼的笑容。
換上制服後，我膽怯地走出店面。
叮鈴～
「咦，Peter你咁快換好衫嗱 ?」Marla走進店內。
「係呀，等緊你教我要點做。」我笑說。
「咁你等我一陣，好快換完衫出嚟，唔好諗住偷睇我呀～」
Marla很快就換好制服出來，
「首先要教你嘅第一樣嘢，就係先洗乾淨對手！」
接著她向我介紹那部意式咖啡機的操作方法，第一步是就將咖啡豆磨成粉未，然後將濾杯上的粉未壓平，但我因為緊張手抖，把咖啡粉灑了部分出來。
「乜你咁論盡架！」Marla抓住我的手細心教我整理好粉未，和只有她不到５厘米的距離，
很近，
很近！！！
我甚至能清楚嗅到她身上的橘子香味，
嗯，
只是靠得近才嗅到，我絕不是變態！
「喂，你個樣做咩咁猥瑣架！」那個姐姐把正沉醉於香氣的我嚇得魂飛魄散。
「哎呀，Masako你唔好咁啦，我教緊佢嘢啫。」 Marla替我解釋。
「你叫Masako？....你係日本人嚟架？」我問。
細心一看，她的五官的確是有別於一般香港人。
「我係香港同日本嘅混血兒，而家喺香港讀緊大學，平時喺媽媽開嘅coffee shop到幫手。」
「喔.... 原來係太子女....」我小聲地說。
「你都係叫我Masako就得架喇。」
「你認真啲學嘢啦！唔好掛住溝姐姐！」Marla生氣地把我臉的捏著轉向她。
「我知道喇！」
Marla難道是在妒忌嗎...？
接下來，就是等濃縮咖啡通過濾杯流出來，然後再把奶加熱。
「你想唔想試下拉花？」Marla問。
「唔好話拉花，我連畫畫都唔識架...」
「唔識就啱喇，而家比機會你試下啦！」Marla一臉期待，她應該是想看看我能拉出甚麼怪東西，可以取笑我一番吧。
我試著把腦海中對於拉花的印象重溫一遍，好像是把奶先倒進杯內，然後左右搖拉出圖案。
「哈哈哈哈！呢個係咩嚟架？」Marla對著我拉的咖啡捧腹大笑。
我左右搖拉出來的不是花，而是一陀.....大便。
「哈...至少都叫拉到嘢出嚟啦！」我說。
「唔好講咁多先，我地一齊同呢杯咁有趣嘅咖啡影張相啦！」
Marla拿出電話，開啟前鏡頭，她搭住我的膊頭，我就拿著咖啡，露出僵硬的笑容。
咔嚓！
我與Marla的第一張合照就是如此誕生。
把店內清潔和收拾一遍後，第一天的工作總算完成。
因為店舖位置較偏僻，只有些相熟的客人會來光顧，即使是假日也不算太忙。
「今日辛苦哂你地喇。」Masako說。
「唔好咁講，要你地教我嘢，係我辛苦你地就真。」我說。
「咦，Marla好似同你喺同方向走啵，咁我行呢邊走先喇！」Masako急步離開。
「......佢好似好趕時間咁。」我笑說。
「唔知呢～你係咪都搭地鐵走呀？」Marla好像心情不錯。
「係呀，一齊行？」
「好呀。」
因為較遠離市區，到地鐵站也有一段路程，也是這個原因，街道上不見其他多餘身影，剛落下一場毛毛細雨，把空氣中的塵埃都洗滌乾淨，涼風吹過，肌膚有一種清新透徹的感覺。
街道上被燈光照耀出澄澈透明的景象，雨點把事物映射得流光溢彩，舒適得令人心碎，仿佛將疲勞都拋諸腦後。我們並肩而行，路上沒有丁點音浪，兩人都在享受這寧靜怡人的時光。
我的手時不時與她的手擦過，兩雙冰冷的手觸碰後馬上分開，然後又再碰上，不斷重覆。
我偷偷看她的側臉，發現她邊走邊在微笑。
如果，能夠了解Marla更加多的事...想著想著，原來已經走到人煙稠密的地方。
「你都係搭呢邊方向？」Marla問。
「係呀，又會咁啱嘅。」
列車抵達月台，晚上的地鐵門可羅雀，進入車廂後，找個位置我們就坐下了。
「係喎，你好似仲未send返今日張相畀我。」我試著打開話題匣子。
「呀！我而家send畀你吖。」
「好。」
「睇下你set我做咩名先！係咪女神呢！」
Marla把頭探向我的電話屏幕，
「阿橙.....點解係呢個名嘅？」
「.......」一時之間我想不到回答的藉口。
「講啦！我想知點解呀！」Marla雙眼閃閃發光。
「因為.....你身上有陣橙嘅香味。」我只好如實作答。
「你個變態仔吖！！我唔同你講嘢喇！」Marla打了我的手臂一下。
但我發現，她的嘴角是在露出笑意。
如果這個時間可以永遠停留，
是有多幸福。在地鐵經過幾個站後，Marla開始產生睡意，有一股重量壓在我的肩膀上，她柔順的頭髮在我身旁滑下，髮絲像流水般碰上的頸部的肌膚。
我不敢移動，怕動作會吵醒入睡的她，我感受到其他乘客對我投射的目光，畢竟我身旁是一位貌美女生，而我卻是一位毒男，不知他們是如何想像我們的關係。
我留意到對面車窗反射著我倆的身影，就猶如一對小情侶....
不，
我在亂想甚麼，她怎麼可能看得起我這種Loser…
下車後，我順道送Marla回家，
「下次唔使特登送我返嚟啦，咁夜。」
「唔得，萬一有咩意外咁點算。」
「哈，香港好安全架～」
「d女仔就係好似你咁諗，先有咁多非禮案！」
「好啦好啦，咁你要幫我打低哂d咸濕佬架！」
「呢層...我會盡力架喇！」
「咁....拜拜啦。」
「拜拜。」
「仲有一樣嘢呀，你可唔可以應承我....」正當我轉頭離開時，Marla把我叫停了。