【王道】《我每晚都會發畀阿哥追殺嘅惡夢》: 第五章————黑衣人
躂躂躂躂躂躂，
突然一大群麋鹿迎面奔跑而來，我們躲在一棵巨樹後避開麋鹿群的衝擊，在麋鹿群奔跑帶來的沙塵後出現了一個身影，看那萎靡的身軀，我已經大慨猜到是誰。
「Peter仔，今次帶多兩個人嚟比我殺呀？」道友明邊流口水邊揮動他手上的貨物束帶。
「唔通佢就係道友明？真係幾樣衰下喎....」Gary直接說了出來。
「你咁嘅樣都有資格話人咩？！」道友明對Gary使出了鞭擊。
啪刷！
地面被鞭出了一道坑紋。
「嗚哇！你條友咁狼死！」Gary在千鈞一發之間躲開了攻擊。
「嘖，要對付三個人淨係靠鞭都係唔夠。」
道友明用鞭卷起樹上的巨型果實，還刻意選用尖形的果實，在空中轉幾圈儲力，再用力擲向我們。
轟！！
他擲偏了方向，果實撞上了樹幹，樹幹被果實破壞了大部份，樹上的果實也隨撞擊像流星雨般向下墜落，
砰！ 砰！ 砰！ 砰！ 砰！
「小心呀！」我帶著他們跑出果實掉落的範圍。
只要走錯一步也可能會喪命，難道又要讓道友明得逞嗎？
「呢個情況，到底要點做好！」
我們嘗試找地方躲藏起來，道友明繼續窮追不捨，逐步接近我們的方向。
「匿埋咗喺邊呀？你地走唔甩架，我會好好咁折磨死你地。」道友明呲牙咧嘴，笑得異常猙獰。
「畀佢發現只係時間問題。」我說。
「咁我地仲可以點做呀，佢咁好打！」Gary變得激動。
Marla選擇沉默，一臉擔憂。
「我地一定要諗方法反擊，唔可以係到等死。」
我觀察周圍有甚麼物資可以利用，看到地上有很多果實的碎片.....
對！還可以這樣做！
我把作戰計劃告訢了他們。
「道友明！你可以傷害我，但唔可以傷害佢地！」Marla站了出來。
「呀？竟然係你呀小妹妹？我都未試過學生妹係咩味！」道友明把舌頭申出舔了嘴邊一圈，並向著她的方向前進。
「喂！死白粉佬，你係夢入面就威姐？現實你都係一個死道友炸！」Gary在另一邊對他進行挑釁。
「哈，你地以為分開兩邊就得喇咩？我兩邊一次過追！」道友明左手一鞭，右手一鞭，向他們攻擊。
一顆果實碎片從上空劃過，形成剛好的拋物線割中連接樹與果實的蒂部，
砰！
這顆果實擊中了下方的道友明。
「今次仲唔搞掂你？」我走到被壓著的道友明面前。
「你到底係點做到...」道友明咬牙切齒地問。
「呢6年嚟我一直係中文堂修練嘅投射功夫，喺今日終於大派用場。」我得意地拋著手上的果實碎片。
「太好喇，我地今晚唔使死呀！」Marla跑過來抱著我。
「估唔到你真係有啲計仔喎。」Gary對我稱讚。
「都係多得你地肯信我，做利誘引開佢。」我說。
「哈，你地即管開心下先，睇下邊個笑到最後。」
說罷，道友明手上出現一些不明的白色粉末，平均地灑在了食指上，他把鼻尖放在正上方，從左至右橫掃用力一吸。
道友明吸完粉未後，靜止了數秒，突然渾身顫抖。
看著他吸下粉未的過程，令我們不寒而慄，不斷地向後方退去。
「啊哈....啊哈哈哈.....！」道友明把身體撐起，背後壓著他的果實仿如無物，站起來便是對我們展露一個詭異的笑容。
「點....點解會咁架....」Gary看著他呆了地說。
「無喇今次....咁都殺佢唔死...」Marla已經感到絕望。
我一言不發，思考著下一步該怎麼辦。
可是道友明已經以驚人的速度接近我們，危急之下，我把第二顆果實割下，但速度得到提昇的道友明能夠完美躲避果實，
「捉 到 你 喇 ！」 道友明的束帶纏上了Marla，
嗖！
一下就把她綁上樹，在半空懸掛著。
「仲有你呢個賤嘴！」Gary被他用同樣手法綁在樹上。
我一直嘗試把果實不斷地割下來，
１顆，２顆，３顆，４顆、
沒有一顆能擲中道友明，
「點呀？唔係好有計架咩你？而家企係到比你打都打唔中？」道友明慢慢地向我走來。
我被迫到走投無路，只能孤注一擲，拋出手中最後的一塊碎片，
碰！
最後一顆果實也擲了下來，結果也是落空，沒能命中他。
「你而家知邊個可以笑到最後啦？」道友明一步一步逼近我的方向，我緊貼著身後的一棵大樹，沒有後路可退。
地上佈滿巨型的樹葉，遮蓋地上濕滑難行的泥土，道友明沿著樹葉向我走來，
「我最鍾意就係咁樣慢慢將人折磨到死，你仲記唔記得你隻手？」
「你個變態佬....」
道友明對打算對我展開攻擊，提高步速向我走來，
剎那之間，
他向下墮墜。
巨型樹葉下隱藏了一個黑暗蟻洞，
「啊！！呢到點解會有個洞？！」
道友明發狂似的不斷向上抓，但蟻洞深不見底，他抓到的只有大把空氣。
最後他的聲音逐漸消失在蟻洞的藍色光下。
「今次，應該係我笑到最後。」我鬆了一口氣。
綁起Marla和Gary的束帶被我解開，
「點解你估到會有個蟻洞？」Marla問。
「因為喺一開始你地引開佢注意力嘅時候，我已經一路舖蓋樹葉，設計好呢個陷阱。」我說。
「咁嗰啲擲唔中佢嘅果實係？」Gary問。
我指向那些掉在地上的果實，
「咦，啲果實好似圍牆咁，圍咗一條路出嚟。」Marla恍然大悟。
「冇錯，為咗令佢跌入呢個蟻洞，我特登用果實限制佢行呢條路。」和我計劃的一樣，道友明順利地上了當。
「呢啲就叫做自食其果。」我用諧音開玩笑。
「好爛呀...本身仲覺得你幾型...」Gary摇著頭說。
「你係都要喺到窒我架喎！」我紅都面哂。
Marla在旁也跟住笑起來。
翌日，是學校的假期，我打算回到貨場看看有沒有出現甚麼變化，
「Peter你做咩仲返嚟嘅？漏咗嘢冇攞？」貨場的主任問我。
「係呀，我去locker搵一搵嘢....」我急步走開了。
看起來沒有出現甚麼改變....難道我們的推理錯了嗎？
「Peter！！！求下你幫我啦！！！」道友明在我面跪下，與他昨晚在夢的態度完全相反，像是被拔了牙的老虎。
「你.....你喺到做咩？你要我幫你啲咩？」我很疑惑。
「我跌咗落個洞之後，畀一堆好大隻嘅藍色蟻咬死咗，之後我試下再瞓返，結果都係一樣！無限重覆！」
道友明苦苦哀求我。
「就算喺夢我都覺得好痛....你幫下我啦！」
「哈！幫你？我都係第一次畀變態殺人狂求我幫！」 幫你.... 我根本不知道解決辦法。
不過...「咁樣啦，你同我講哂你知道關於發夢嘅事，我就同你講解決方法！」
「好好好！我咩都同你講！有個神秘男人同我講話殺咗你就可以保得住份工...不過要係喺夢入面。而且佢強調一定要用束帶將你隻手扯斷，同埋要親手將你殺死。佢仲教我同你連夢嘅條件，教我增強自己嘅想像力，可以喺夢入面使用。我知嘅嘢係得咁多炸.... 」 道友明把事情和盤托出。
「個神秘男人係個點嘅人...？」
「佢帶住黑色口罩，黑超，黑色大褸，總之成身都係黑蚊蚊啦！」
「咁即係你唔知佢咩樣...」
「係呀！你可以講點幫我未？」
「你只要用半斤黃京、半斤北芷、半斤田七、半斤蘋果、半斤橙、兩碗水煮成半桶水，唔使飲，倒咗佢就得。」
然後我頭也不回就走了，
這種人，總要給他一點教訓。