【王道】《我每晚都會發畀阿哥追殺嘅惡夢》: 第四章————同伴

我擺出了凝重表情模仿碇真嗣父親的招牌動作，雙手扣著放在嘴前，並瞇起眼睛。 


「我地嘅夢係可以相連，呢個係目前可以確定。」


「哈哈，Peter，你呢個係咩姿勢嚟架？」Marla指著我來笑。


「我地嘅呀媽都係女人，呢個係目前可以確定。」Gary擺出和我同樣的姿勢。






「哈哈哈哈！你個人都幾搞笑！係喎，仲未問你叫咩名添？」Marla被Gary哄得合不攏嘴。


「在下叫Gary，小姐你好似係叫Marla？」Gary用故作斯文的語氣回答。


「係呀！哈哈！」Marla笑得更大聲。






「咳咳，我地講返正題先。」我變回正常坐姿繼續談話。 


死Gary，想不到他哄女生也有一手，要趕快轉移話題。


「首先我講一講一開始會發呢啲夢嘅來龍去脈。其實我由5年前開始，每一晚都會發比呀哥追殺嘅惡夢，但最近呢個惡夢唔知點解會出現其他現實世界嘅人。」






「咁琴晚將你隻手......嗰個就係你呀哥？」Marla問。


「唔係，我呀哥先冇咁樣衰。」

我想起我今早收到被解僱的消息，

「佢係我返兼職嗰到嘅同事，道友明。」


「咁你會唔會返工問下佢呢件事？可能佢知道啲咩呢？」Marla建議。


「但我今朝已經收到叫我之後都唔使返工嘅通知....本來應該係佢比人炒先啱...」我低頭說。






「咁即係而家Peter哥你會發比人追殺嘅惡夢，而且個夢係可以相連，仲會見到其他現實世界嘅人.....」Gary嘗試整合事件。


「咪住，會喺夢見到現實嘅人，唔通夢同現實有關連？」Marla靈機一觸。


「！！係！Hugo，道友明，我同佢地廝殺完之後，現實都會有明顯嘅變化。」


「吓，連嗰個尖子Hugo都有份？佢數學測驗會唔合格就係因為咁？」Gary追問。


「咩Hugo呀？你地同學呀？」Marla疑惑地看著我們。






「係呀，應該係因為我喺夢入面殺咗佢，所以佢成績變差，反而我變好。」


「我都估到你架喇，你個死仔邊可能突然成績咁好！」Gary露出一個輕蔑我的表情。


「咁你會比人炒呢件事都可以解通，就係你同事殺咗你，所以佢冇比人炒，反而你做咗佢替死鬼！」Marla聲量開始加大。


「所以喺夢入面殺咗人，殺人嗰個就可以得到一啲嘢，相反比人殺嗰個就會失去一啲嘢！」Gary興奮地拍著餐桌。


「原來就係咁！！！」我們異口同聲地說。






在聲浪達到最高點時，其他餐桌的食客用奇怪的視線看著我們。

「而家d學生哥壓力真係大。」

「呀囡，唔好望呢d奇怪嘅哥哥姐姐，會發惡夢架。」

「佢地咪好似係隔離班嘅人....唔好同佢地對到眼呀。」

旁邊的人開始竊竊私語。


「我地都係繼續食嘢算啦....」我放低聲量說。






放學後，我打開一個名為「只要相信夢定能飛」的whatsapp群組。


群組內有三個人，包括Marla，Gary和我。


群組名是我想的，他們建議改甚麼多啦a夢，超夢夢，春秋大夢。


統統都是垃圾，一群沒文化的人，只有聽方皓玟的歌才是有品味的。


此時群組第一個發言彈出，


「可唔可以改group名？有陣柒味.....Σ( ° △ °|||)︴下午 5:23」Gary問。


「品味嘅嘢你識條鐵咩.... 下午 5:23」我對他的意見不屑一顧。


「其實都個名都幾有意思吖  下午 5:24」Marla試著說些好話。


「唉，你就好啦Peter哥，有Marla撑你  下午 5:25」Gary說。


「話時話，我地要點先可以係夢入面相連？ 下午 5:26」Marla問。


「呢層我都唔知，不過有句說話係日有所思，夜有所夢，可能我地試下今晚不斷諗住對方個樣，睇下相唔相連到  下午 5:28」我建議。


他們都回覆了ok手勢的表情符號。


既然不用打工，就回家好好休息一下吧。


我淋一個熱水浴，把身心都徹底洗淨，準備應對今晚夢中有可能發生的任何情況，吹乾頭就躺在了床上，拿起電話查看。


「um...仲未set好佢地個名添。」


我沒多想就直接把Gary的名字設定做「渣男」。


然後我小心翼翼按進Marla的通訊欄，以免按錯不必要的東西，我第一時間就輸入「女神」，不過內心作崇，馬上就刪去二字。


「都係set你做 阿橙 啦。」因為她身上總帶著橘子香味。


為了今晚可以和Marla相連，我打開了她的大頭照，好好觀摩一番，


嗯，絕對是為了正經事！


大頭照中，Marla是森系女孩的穿著風格，棕色的連身蓬裙，一件淡色的長外衣，頭上頂著帶有蝴蝶結的草帽，充滿簡單清新的感覺。


她穿便服的樣子更令人心動。


仔細一看，照片是在迪士尼拍的，她手上緊緊抱著《怪獸公司》裡主角毛毛的布偶，似乎很喜歡毛毛這個角色，


....這點要記錄在案。


「唔知有冇一日可以約到佢出嚟玩呢....」 


和Marla兩小無猜在那條美國小鎮大街一起欣賞璀璨的煙花， 旁邊了無人煙，在煙花最燦爛的瞬間， 我吻下了她的嘴唇。


渣男傳來一則訊息， 

「喂，你瞓未呀衰鬼<3？ 下午 11:18」


我美好的幻想就給Gary這則訊息毀滅掉了。


「得，而家瞓 下午 11:19」我回答。


我開始進入睡眠...

...........
.................

進入夢鄉後，整理了一下自己的衣服，不知他們能不能和我的夢相連。


還有就是，希望哥哥今晚不要出現。


「你等咗好耐喇？」有一隻手拍拍我的肩。


「我都係啱啱先到姐。」我對Marla微笑。


「今晚個地方，又唔同咗嘅。」Marla東張西望。


「呢到變咗做一個巨型森林。」我說。


到處都是異常巨型的樹，眼看也有2，30層樓高，四周樹影婆娑，瀰漫著迷幻的氣氛，樹上掛著些寶石形狀的巨型果實，有尖有圓，盡是奇形怪狀。


陽光照射穿透寶石，折射出來的光線色彩形成美倫美奐的景象。


不知Marla會否對寶石有興趣。


在不遠處傳出了陣陣歌聲，Marla被這歌聲吸引了過去，對寶石不屑一眼。


「哇，你睇下，啲青蛙好得意呀！」Marla興奮地說。


那裡有一群迷你青蛙，穿著西裝進行大合唱，場面好不熱烈。


看著Marla看得入迷的身影，教我更覺得這女孩天真無邪。


旁邊的草叢出現窸窸窣窣的聲音，


「哇！！！！」Gary在草叢出冒出來：「呢個地方真係嚇死人！！」


迷你青蛙被Gary的叫聲嚇得到處四散。


「衰人，啲青蛙仔比你嚇走哂喇！」Marla作勢要打Gary。


看到他們這畫面，我內心泛起了一點點的對Gary的妒忌。


「對唔住囉，咁我驚嘛....估唔到真係入到呢個世界，我今日仲以為你地係到作緊連登故....原來件事係真。」Gary說。


「其實我冇乜點諗過你架喎，你條蛋散點入到嚟？」我故意挑釁Gary。


「咁我有諗住你架嘛～」Gary說。


也即是說，Marla那天有想著我睡覺，我內心萌起了一絲暖意。


「雖然試連夢方法呢個實驗完咗，但根據我嘅經驗，喺夢入面應該冇咁快醒到，不如我地四圍睇下先？」我提議。


「我贊成！」Marla舉高手和議。


我們開始逛這個奇幻地方，Marla走在我和Gary的前方，像是帶領著我們前行。


「你要小心呢到啲蟻洞呀，跌咗落去就大獲架喇！」我叮囑她。


「放心啦，我點會......」Marla突然向下墜。


我在身體本能反應下馬上抓著了她，但是地下的泥面非常濕滑，我不由自主地緩緩向前移動，只剩下部份腳踝在邊緣支撐著。


跟在身後的Gary見狀也立刻抓著我的衣領，


「喂....唔好咁大力，我抖唔到氣呀。」我的喉嚨被衣領勒著。


「咁呀，咁我放手囉？」Gary得意洋洋地說。


「咁又唔好....」為了Marla的安危就沒辦法。


「喂呀，你兩個唔好玩啦，拉返我上嚟先，我好驚啊！」Marla快要哭出來。


經過一番努力掙扎，我們終於脫離險境。


「對唔住呀，我會聽你話，唔會亂行架喇....」Marla低頭說。


「最緊要你安全姐，嗰個洞就係藍火蟻嘅蟻洞，畀藍火蟻咬完我都唔知會發生咩事....」我摸著Marla的頭安慰她。


藍火蟻這個名稱是我改的，因為牠的顏色很像煤氣爐的藍色火光。