【短短一個月內，屋企就死左五個人...】: 第二十四章 因由結果 II

佢地三人甫一落車，就突然有一層既白霧急急搶攻而至！三人當然知道不妙，阿牛想回頭拉埋我落車，但係豈料就係佢轉頭既一瞬間，成架車已經係空氣中消失左！ 「我同張師兄心知呢層霧應該係因狐鬼所起，本想快快手破左佢就算，點知...點知突然聽到有啲鎖鏈聲同重物落地聲，令我地不得不分神去注意...」風山秋坐係司機位隔壁接道，神情奇怪。 「鎖鏈聲同重物落地聲！我...我係車入邊一醒個時都聽到！」我回想返我坐係車入邊個時既絕望，至今仍有餘悸。 「其實個啲係我細佬死左之後，化殭郁動既聲音黎。唉，其實我地風家都知阿冬有暗中幫人煉殭，當中佢自己亦有用藥用符替自己身體半殭化，極大機會係死後化殭甚至魃，所以落葬時，我地特登用鐵鏈同鎮屍符鎮住佢，點知都係無效。」 哦，唔怪得好地地一隻殭屍會有啲鎖鏈聲跟住啦！ 風山秋當下立即同張天師簡略地講關於風海冬既事，張天師深思左一陣，決定分頭行事。佢地兩人推測狐鬼應該會係至陰至暗既墳場入邊，而風海冬當然就已經跑左出黎。經過短暫既商議，張天師決定先強行破狐鬼既結界，先救我我出黎，然後再去會合風山秋，而風山秋當然就帶住阿牛深入墳場中，收伏狐鬼。 張天師即席畫左幾道符，係風海冬就黎殺到黎既時候將我救左出黎，然後再領我入去墳場。 另一邊廂，風山秋帶住阿牛一路上狂奔，佢地兩個都唔識用法去清一塊空地出黎，故此，佢地四周都係白霧，同當初車中既我一樣，能見度可以話係零。為左唔好比狐鬼影響到，佢地決定合埋雙眼前進，單憑住僅有既記憶同風山秋天生對鬼既感覺黎搵出狐鬼所在。 點知係佢地行左無幾步既時候，就忽然聽到一啲沙沙聲。風山秋突然感到腳踝一痛，暈左一下，然後猛然睜眼，只見有上千條手掌咁長，湘西獨有既既鬼面蜈蚣係佢地兩個既腳邊到亂竄，仲有幾條已經開始爬上去佢地既小腿到，盡情地開餐！反而啲蜈蚣竟然避開阿牛，可能佢地都知阿牛啲肉又老又厚唔好食。 風山秋知道呢種鬼面蜈蚣既毒性，立即當機立斷，摸出袋中既辰州砂往地上一撒，然後用火機一點，蓬一聲！火舌立即亂沖亂撞，燒得滿地蜈蚣屍！

風山秋係完成一系列瀟灑既動作之後竟然開始氣力不繼，毒性一發，作勢就要跌低，一旁既阿牛見狀立即前上扶住佢，一下子揹住左佢，帶住佢沖出左蜈蚣既包圍圈！