【短短一個月內，屋企就死左五個人...】: 第二十三章 因由結果 I

成件事要由佢地搵到風山秋阿哥個墓開始講起。佢地係墳場入邊左轉右兜左無幾耐就搵到個墓。風山秋阿哥係採用古老既土葬方法，照理黎講，副棺同埋屍首無腳唔會識走，所以墓前應該一片安好，最多只係多啲左人咁高既雜草，奇奇怪怪既花咁大把。但係佢地赫然發現，墓碑前既空地竟然唔係單單只係多左雜草，花等，竟然仲多左個半人高既窿。 淺穴唔似係盗墓賊所為從外掘開，因為附近無土包，地上反而滿佈碎散既泥土，似有物體從內破土而出。 「…」三人無言而對，然而久經風浪既風山秋同張天師腦中同時浮出兩字。 詐屍。 風山秋本就同佢哥哥無咩感情，佢阿哥詐屍關佢Q事？張天師雖然貴為法門後人，但係同樣地，以佢呢啲市井性格，詐屍關佢撚事？阿牛連發生緊咩事都唔知，佢係墳場環島遊入邊只係擔當住一個腳夫既角色，自然地，詐屍關佢鳩事？佢地兩人識相地帶住阿牛快速退出墳場，一出黎就見到我係原地到又大叫又跳咁，仲一度想衝出車來車往既大馬路到，一旁既阿牛就好開心啦，因為佢終於得償所願睇到人撞鬼。 一旁既張天師曾久居於湘西，自然知道發生咩事，今次唔可以當睇唔到，講句粗口以氣勢破左狐鬼既法術，諗住帶上我拿拿臨離開呢到，從其他途經去查張委託。 點知，就係架車行左無幾分鐘，風山秋同張天師就從身邊環境中發覺到有啲唔妥。本來有陰陽眼既我可以輕易睇破到到底發生緊咩事，但係因為我訓著左既關係，故此我係完全無幫過手既。 過左無幾耐，風山秋同張天師終於決定落車睇下。 本來佢兩個想留底阿牛陪我，但係阿牛堅持要落車撞鬼，所以去到最後，架車就得返我一個人係入邊訓。仆你個街，我死左，返到香港仲邊有人出糧比你呀牛哥。不過亦因為阿牛既堅持，風山秋先可以避過一死。